വാഹനങ്ങളിൽ നിന്നുള്ള മലിനീകരണം നിയന്ത്രിക്കുന്നതിന് സർക്കാർ കർശന നടപടികൾ സ്വീകരിച്ചു ;ദില്ലിയിൽ പതിനഞ്ച് വര്ഷത്തിലധികം പഴക്കമുള്ള വാഹനങ്ങള്ക്ക്ഇന്ധനം നൽകില്ല
പതിനഞ്ച് വര്ഷത്തിലധികം പഴക്കമുള്ള വാഹനങ്ങള്ക്ക് മാർച്ച് 31-നുശേഷം ദില്ലിയിലെ പെട്രോൾ പമ്പുകളിൽനിന്ന് ഇന്ധനം നൽകില്ലെന്ന് പരിസ്ഥിതി മന്ത്രി മഞ്ജീന്ദർ സിംഗ് സിർസ. ദില്ലിയിലെ മലിനീകരണ തോത് നിയന്ത്രിക്കുന്നതിനായിട്ടാണ് പുതിയ തീരുമാനം.ദില്ലിയിലെ വലിയ ഹോട്ടലുകൾ, ഓഫീസ് സമുച്ചയങ്ങൾ, വിമാനത്താവളം, വലിയ നിർമ്മാണ സൈറ്റുകൾ എന്നിവിടങ്ങളിൽ ആൻ്റി സ്മോഗ് ഗണ്ണുകൾ സ്ഥാപിക്കുന്നത് നിർബന്ധമാക്കുമെന്നും മന്ത്രി പറഞ്ഞു.
വാഹനങ്ങളിൽ നിന്നുള്ള മലിനീകരണം നിയന്ത്രിക്കുന്നതിന് സർക്കാർ കർശന നടപടികൾ സ്വീകരിക്കുന്നുണ്ടെന്ന് നിരവധി മലിനീകരണ വിരുദ്ധ നടപടികൾ പ്രഖ്യാപിച്ചുകൊണ്ട് സിർസ പറഞ്ഞു. പഴയ വാഹനങ്ങൾക്കുള്ള നിയന്ത്രണങ്ങൾ, നിർബന്ധിത പുകമഞ്ഞ് വിരുദ്ധ നടപടികൾ, വൈദ്യുത പൊതുഗതാഗതത്തിലേക്കുള്ള മാറ്റം എന്നിവയും ചർച്ച ചെയ്തു.15 വർഷത്തിലധികം പഴക്കമുള്ള വാഹനങ്ങളെ തിരിച്ചറിയാൻ പെട്രോൾ പമ്പുകളിൽ ഗാഡ്ജെറ്റുകൾ സ്ഥാപിക്കുന്നുണ്ട്, അവയ്ക്ക് ഇന്ധനം നൽകില്ലെന്നും ഈ തീരുമാനം കേന്ദ്ര പെട്രോളിയം മന്ത്രാലയത്തെയും അറിയിക്കുമെന്നും മന്ത്രി പറഞ്ഞു. കൂടാതെ, വൃത്തിയുള്ളതും സുസ്ഥിരവുമായ പൊതുഗതാഗതം ഉറപ്പാക്കാൻ 2025 ഡിസംബറോടെ ഡൽഹിയിലെ പൊതു സിഎൻജി ബസുകളിൽ 90 ശതമാനവും ഘട്ടംഘട്ടമായി നിർത്തലാക്കുകയും പകരം ഇലക്ട്രിക് ബസുകൾ ഉപയോഗിക്കുകയും ചെയ്യുമെന്ന് മന്ത്രി പ്രഖ്യാപിച്ചു