പ്രയാഗ്രാജിലെ മഹാ കുംഭ് മേഖലയിലെ സെക്ടർ 22 ൽ വ്യാപകമായ തീപിടിത്തം:നിരവധി പന്തലുകൾ കത്തിനശിച്ചു.

പ്രയാഗ്രാജ്:വൈകുന്നേരം ഏകദേശം മൂന്നുമണിയോടെ പ്രയാഗ്രാജ് ജില്ലയിലെ മഹാകുംഭ് മേളാ മൈതാനത്തിലെ സെക്ടർ 22 ൽ തീപിടിത്തം ഉണ്ടായി. ആർക്കും പരിക്കേറ്റതായോ മരണപ്പെട്ടതായോ ഉള്ള റിപ്പോർട്ടുകൾ ലഭ്യമല്ല അഗ്നിശമന സേന സംഭവസ്ഥലത്തെത്തി, തീ ഇപ്പോൾ നിയന്ത്രണവിധേയമാണ്. ഉന്നത ഉദ്യോഗസ്ഥർ സംഭവസ്ഥലത്ത് എത്തി സ്ഥിതിഗതികൾ വിലയിരുത്തുകയാണ്. റിപ്പോർട്ടുകൾ പ്രകാരം, തീപിടിത്തം സംഭവിക്കുമ്പോൾ ആളുകൾ പന്തലുകളിൽ ഉണ്ടായിരുന്നില്ല. ജനുവരി 19 നും സമാനമായ മറ്റൊരു തീപിടുത്തം ഇതേ സ്ഥലത്തു ഉണ്ടായെങ്കിലും അന്നും ആളപായം റിപ്പോർട്ട് ചെയ്തിരുന്നില്ല.

റിപ്പോർട്ട്‌ ഷിജു ജോസഫ്