മഹാകുംഭ മേള: തിക്കിലും തിരക്കിലും നിരവധി പേർക്ക് പരുക്ക്.

ഇന്ന് നടത്താനിരുന്ന അമാവാസിദിന പ്രത്യേക സ്നാനം നിർത്തിവയ്ക്കുവാൻ ആവശ്യപ്പെട്ട് സന്യാസിമാരുടെ സംഘടന

റിപ്പോർട്ട്‌ ഷിജു ജോസഫ്

പ്രയാഗ് :.ബുധനാഴ്ച പുലർച്ചെ മൂന്നരയോടെ മഹാകുംഭമേളയിൽ മൗനി അമാവാസ്യയുടെ ഭാഗമായി നടത്താനിരുന്ന രണ്ടാം “അമൃത സ്നാനത്തിനു” എത്തിയ ആളുകൾക്കിടയിൽ ഉണ്ടായ തിക്കിലും തിരക്കിലും പെട്ട് നിരവധിയാളുകൾക്കു പരുക്കേറ്റതായി റിപ്പോർട്ട്. ഏകദേശം 25 ഓളം പേരെ ആശുപത്രിയിൽ പ്രവേശിപ്പിച്ചിട്ടുണ്ട്. ഔദ്യോഗികമായി ഇതുവരെ മരണസ്ഥിരീകരണമൊന്നും ലഭിച്ചിട്ടില്ല. സോഷ്യൽ മീഡിയ റിപോർട്ടുകൾ പ്രകാരം 17 ഓളം ആളുകൾ മരിച്ചതായി സ്ഥിരീകരിക്കാത്ത റിപ്പോർട്ടുകളുണ്ട്. “എനിക്ക് ലഭിച്ച വിവരങ്ങൾ പ്രകാരം, പ്രധാന സംഗമസ്ഥലമായ സംഗം നോസിൽ ഉണ്ടായിരുന്ന ഒരു ബാരിക്കേഡ് തകർന്നതിനെ തുടർന്ന് വലിയ തിക്കും തിരക്കും ഉണ്ടായി. ചിലർക്ക് പരിക്കേറ്റിട്ടുണ്ട്, എന്നാൽ ആരുടെയും പരിക്ക് ഗുരുതരമല്ല. ആവശ്യമായ ചികിത്സ അവർക്ക് നൽകിവരികയാണ്.” കുംഭമേള വക്താവ് ആകാംക്ഷ രണ അറിയിച്ചു.പ്രധാനമന്ത്രി ശ്രീ. നരേന്ദ്ര മോദി, ഉത്തർപ്രദേശ് മുഖ്യമന്ത്രി യോഗി ആദിത്യനാഥുമായി സംസാരിച്ചു.