ഡ്രൈവിങ് ലൈസൻസ്:കെ ബി ഗണേഷ് കുമാറിന്റെ പേരിനൊപ്പമുള്ള MLA ഒഴിവാക്കും:18 വയസ് തികയാതെ ലൈസൻസ് നൽകിയ സംഭവം:നിയമോപദേശം തേടി സർക്കാർ

തിരുവനന്തപുരം: നിയമസഭാ തിരഞ്ഞെടുപ്പിൽ പരാജയപ്പെട്ട മുൻ ഗതാഗതമന്ത്രി കെ.ബി. ഗണേഷ്‌കുമാറിന്റെ ഡ്രൈവിങ് ലൈസൻസിലെ “എം.എൽ.എ.” എന്ന വിശേഷണം നീക്കാൻ മോട്ടോർ വാഹന വകുപ്പ് നടപടി തുടങ്ങി. വ്യക്തിയുടെ ഔദ്യോഗിക തിരിച്ചറിയൽ രേഖകളിൽ ഉള്ള പേരിനോടു പൊരുത്തപ്പെടുന്ന രീതിയിലായിരിക്കണം ഡ്രൈവിങ് ലൈസൻസിലും പേര് രേഖപ്പെടുത്തേണ്ടതെന്ന ചട്ടത്തിന്റെ അടിസ്ഥാനത്തിലാണ് നടപടി.ഡ്രൈവിങ് ലൈസൻസിൽ “കെ.ബി. ഗണേഷ്‌കുമാർ MLA” എന്ന രീതിയിൽ പേര് ഉൾപ്പെടുത്തിയതിൽ നടപടിക്രമ വീഴ്ച സംഭവിച്ചെന്ന വിലയിരുത്തലിലാണ് വകുപ്പ്. തിരഞ്ഞെടുപ്പിൽ പരാജയപ്പെട്ടതോടെ എം.എൽ.എ. പദവി നഷ്ടമായ സാഹചര്യത്തിലും ലൈസൻസിൽ ആ വിശേഷണം തുടരുന്നത് ചട്ടലംഘനമാണെന്ന നിലപാടാണ് ഉയർന്നിരിക്കുന്നത്.ലൈസൻസ് ഉൾപ്പെടെയുള്ള ഔദ്യോഗിക രേഖകളിൽ പേരിനൊപ്പം പദവികളോ വിശേഷണങ്ങളോ ചേർക്കുന്നത് അനുവദനീയമാണോയെന്ന കാര്യത്തിൽ മോട്ടോർ വാഹന വകുപ്പ് നിയമോപദേശം തേടിയിട്ടുണ്ട്. നിയമപരമായ പരിശോധനകൾക്ക് ശേഷമായിരിക്കും അന്തിമ തീരുമാനം.സംഭവം പുറത്തുവന്നതോടെ ഡ്രൈവിങ് ലൈസൻസ് നൽകുന്ന നടപടിക്രമങ്ങളിലും രേഖാപരിശോധനയിലും കൂടുതൽ കർശനത വേണമെന്ന ആവശ്യവും ഉയരുന്നുണ്ട്.