മുഖ്യമന്ത്രി ചർച്ചയില് അസ്വാരസ്യം; രമേശ് ചെന്നിത്തല ഡൽഹിയിലേക്ക്:ഹൈക്കമാൻഡുമായി കൂടിക്കാഴ്ച
: മുഖ്യമന്ത്രി ചർച്ച സജീവമാകുന്നതിനിടെ രമേശ് ചെന്നിത്തല ഡൽഹിയിലേക്ക്. നാളെ ഡൽഹിയിൽ എത്തും. ഹൈക്കമാൻഡുമായി കൂടിക്കാഴ്ച നടത്തും. വിഡി സതീശനും നാളെ മുഖ്യമന്ത്രി ചർച്ചകൾക്കായി ഡൽഹിയിലേക്ക് തിരിക്കും. ഡൽഹിയിലെത്തിയ എഐസിസി ജനറൽ സെക്രട്ടറി കെ സി വേണുഗോപാലിന് വലിയ സ്വീകരണമാണ് ലഭിച്ചത്.കേരളത്തിൽ മുഖ്യമന്ത്രിയെ തീരുമാനിക്കാൻ രണ്ട് നിരീക്ഷകരെ നിയോഗിക്കാനാണ് കോൺഗ്രസ് ഹൈക്കമാൻഡ് തീരുമാനം. നിരീക്ഷകർ ആരൊക്കെയാണെന്ന പ്രഖ്യാപനം ഉടനുണ്ടാകും. അതിനിടെ എറണാകുളത്ത് വി ഡി സതീശന് പ്രവർത്തകർ വൻ വരവേൽപ്പ് നൽകി. എറണാകുളം സൗത്ത് റെയിൽവേ സ്റ്റേഷനിൽ മുഖ്യമന്ത്രിയെന്ന മുദ്രാവാക്യം വിളികളോടെ നൂറുകണക്കിന് പ്രവർത്തകരാണ് വി ഡി സതീശനെ സ്വീകരിക്കാൻ എത്തിയത്.
