വാടാനപ്പള്ളി ബിജെപി കിറ്റ് വിവാദം: പ്രതിഷേധത്തിൽ സംഘർഷം, അറസ്റ്റ്
ത്രിശ്ശൂർ ജില്ലയിലെ വാടാനപ്പള്ളിയിൽ ബിജെപി കിറ്റ് വിതരണവുമായി ബന്ധപ്പെട്ട വിവാദം ശക്തമായി. ആരോപണങ്ങൾ ഉയർന്നതിനെ തുടർന്ന് കോൺഗ്രസ് നേതാവായ ടി എൻ പ്രതാപന്റെ നേതൃത്വത്തിൽ പ്രവർത്തകർ പ്രതിഷേധവുമായി രംഗത്തെത്തി.പ്രതിഷേധം ശക്തമായതോടെ സ്ഥലത്ത് സംഘർഷാവസ്ഥ രൂപപ്പെട്ടു. പൊലീസ് സ്ഥലത്തെത്തി നിയന്ത്രണം ഏറ്റെടുത്തു. പ്രതിഷേധം നിയന്ത്രണാതീതമായ സാഹചര്യത്തിൽ ടി.എൻ. പ്രതാപനെയും മറ്റ് പ്രവർത്തകരെയും പൊലീസ് അറസ്റ്റ് ചെയ്ത് സ്ഥലത്ത് നിന്ന് നീക്കി.സംഭവം രാഷ്ട്രീയമായി വലിയ വിവാദത്തിന് വഴിവച്ചിരിക്കുകയാണ്. തെരഞ്ഞെടുപ്പ് പശ്ചാത്തലത്തിൽ കിറ്റ് വിതരണം നിയമലംഘനമാണെന്നാരോപിച്ചാണ് കോൺഗ്രസ് പ്രതിഷേധം നടത്തിയത്. അതേസമയം, ആരോപണങ്ങൾ രാഷ്ട്രീയ പ്രചാരണത്തിന്റെ ഭാഗമാണെന്ന് ബിജെപി വാദിക്കുന്നു.
