കൂട്ടുകാര്ക്കൊപ്പം കുളിക്കാനിറങ്ങി:കൊല്ലത്ത് എട്ടാം ക്ലാസ് വിദ്യാര്ത്ഥി മുങ്ങിമരിച്ചു
കൊല്ലം: കൂട്ടുകാര്ക്കൊപ്പം കുളിക്കാനിറങ്ങിയ എട്ടാം ക്ലാസ് വിദ്യാര്ത്ഥി മുങ്ങിമരിച്ചു..കല്ലടയാറ്റില് കുളിക്കാനിറങ്ങിയ വിദ്യാർത്ഥി ഒഴുക്കില്പ്പെട്ട് മുങ്ങിമരിച്ചു. പുനലൂർ വാളക്കോട് എൻ.എസ്.വി ഹയർസെക്കൻഡറി സ്കൂളിലെ എട്ടാം ക്ലാസ് വിദ്യാർത്ഥിയായ ആദർശ് ആണ് മരിച്ചത്.ശനിയാഴ്ച രാവിലെ 11 മണിയോടെ ഐക്കരക്കോണം പാറക്കടവിലായിരുന്നു അപകടം.അപകടം നടന്നത് ഇങ്ങനെ:അവധി ദിനമായതിനാല് സഹപാഠികള്ക്കൊപ്പം ആറ്റില് കുളിക്കാനായി എത്തിയതായിരുന്നു ആദർശ്. ആറ്റില് നീന്താൻ ശ്രമിക്കുന്നതിനിടെ പെട്ടെന്ന് ഒഴുക്കില്പ്പെടുകയായിരുന്നു. കൂടെയുണ്ടായിരുന്ന കുട്ടികള് ബഹളം വെച്ചതോടെ ഓടിക്കൂടിയ നാട്ടുകാർ ഉടൻ തന്നെ ഫയർഫോഴ്സിനെയും പൊലിസിനെയും വിവരമറിയിച്ചു.പുനലൂരില് നിന്നുള്ള ഫയർഫോഴ്സ് യൂണിറ്റും സിവില് ഡിഫൻസ് അംഗങ്ങളും മുങ്ങല് വിദഗ്ധരും സ്ഥലത്തെത്തി വിപുലമായ തിരച്ചില് നടത്തി. ഏകദേശം ഒരു മണിക്കൂറോളം നീണ്ട പരിശ്രമത്തിനൊടുവിലാണ് ആദർശിന്റെ മൃതദേഹം കണ്ടെത്താനായത്. അപ്പോഴേക്കും ജീവൻ നഷ്ടപ്പെട്ടിരുന്നു.തുടർനടപടികള്:പൊലിസ് സ്ഥലത്തെത്തി ഇൻക്വസ്റ്റ് നടപടികള് പൂർത്തിയാക്കി. നിലവില് മൃതദേഹം പുനലൂർ താലൂക്ക് ആശുപത്രി മോർച്ചറിയിലേക്ക് മാറ്റിയിരിക്കുകയാണ്. പോസ്റ്റ്മോർട്ടം നടപടികള്ക്ക് ശേഷം മൃതദേഹം ബന്ധുക്കള്ക്ക് വിട്ടുനല്കും. ആദർശിന്റെ അപ്രതീക്ഷിത വിയോഗത്തില് നാടാകെ വിങ്ങലിലാണ്.
