സിബിഐ അന്വേഷണമില്ല; ഹര്ജികള് ഹൈക്കോടതി തള്ളി
കൊച്ചി:ശബരിമലയിലെ സ്വര്ണ്ണക്കൊള്ളയുമായി ബന്ധപ്പെട്ട കേസില് സിബിഐ അന്വേഷണം വേണമെന്ന ഹര്ജിക്കാരുടെ ആവശ്യം ഹൈക്കോടതി കര്ശനമായി തള്ളി. നിലവില് സംസ്ഥാന പോലീസ് രൂപീകരിച്ചിട്ടുള്ള പ്രത്യേക അന്വേഷണ സംഘത്തിന്റെ (SIT) പ്രവര്ത്തനത്തില് പൂര്ണ്ണ വിശ്വാസമുണ്ടെന്ന് കോടതി വ്യക്തമാക്കി. ഏറ്റവും മികച്ച ഉദ്യോഗസ്ഥരെയാണ് അന്വേഷണത്തിനായി നിയോഗിച്ചിട്ടുള്ളതെന്നും ഈ ഘട്ടത്തില് മറ്റൊരു ഏജന്സിക്ക് കേസ് കൈമാറേണ്ട സാഹചര്യമില്ലെന്നും ദേവസ്വം ബെഞ്ച് നിരീക്ഷിച്ചു. ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറും വിവിധ ഹൈന്ദവ സംഘടനകളും സമര്പ്പിച്ച ഹര്ജികള് പരിഗണിക്കവെയായിരുന്നു കോടതിയുടെ ഈ സുപ്രധാന നീക്കം. ഭക്തരുടെ ആശങ്കകള് മാനിക്കുന്നുണ്ടെങ്കിലും നിയമപരമായ നടപടിക്രമങ്ങള് പാലിക്കപ്പെടേണ്ടതുണ്ടെന്ന് ജസ്റ്റിസുമാര് ഓര്മ്മിപ്പിച്ചു.
