നെഞ്ചുവേദന :തന്ത്രി കണ്ഠരര് രാജീവരെ മെഡിക്കല് കോളേജില് പ്രവേശിപ്പിച്ചു
പത്തനംതിട്ട :ശബരിമല സ്വര്ണക്കൊള്ള കേസില് അറസ്റ്റിലായ തന്ത്രി കണ്ഠരര് രാജീവരെ തിരുവനന്തപുരം മെഡിക്കല് കോളേജില് പ്രവേശിപ്പിച്ചു. മെഡിക്കല് കോളേജിലെ സെല്ലിലാണ് അഡ്മിറ്റ് ചെയ്തത്.നാളെ ആന്ജിയോഗ്രാം ചെയ്യും. നേരത്തെ ജയിലില് വെച്ച് തന്ത്രിക്ക് നെഞ്ചുവേദന അനുഭവപ്പെട്ടതായി പറഞ്ഞിരുന്നു. ഇതേ തുടര്ന്നാണ് ആന്ജിയോഗ്രാമിന് നിര്ദേശിച്ചത്. നാളെ ആന്ജിയോഗ്രാം ചെയ്ത് വൈകിട്ട് വരെ നിരീക്ഷണത്തില് ഇരുത്തിയ ശേഷം പൂജപ്പുര ജയിലിലേക്ക് മാറ്റും.ശബരിമല കട്ടിളപ്പാളിയിലെ സ്വര്ണം കടത്തിയതുമായി ബന്ധപ്പെട്ട കേസില് ജനുവരി ഒന്പതിനാണ് എസ് ഐ ടി തന്ത്രിയുടെ അറസ്റ്റ് രേഖപ്പെടുത്തിയത്. ക്ഷേത്രത്തിലെ സ്വര്ണപ്പാളികള് പുറത്തേക്ക് കൊണ്ടുപോകാന് ഒത്താശ ചെയ്തത് കണ്ഠരര് രാജീവര് ആയിരുന്നുവെന്നായിരുന്നു എസ് ഐ ടിയുടെ കണ്ടെത്തല്.