ഇവൾ ആകാശത്തെ അഗ്നിപുത്രി….
ആകാശത്തെ അഗ്നിപുത്രി ഇനി ധീരസ്മരണ,5 ജീവനുകൾക്കായി അവസാന നിമിഷം വരെ പോരാടി അവര് വിടവാങ്ങി…മഹാരാഷ്ട്ര: സാങ്കേതിക തകരാറുകൾ മൂലം നിയന്ത്രണം നഷ്ടപ്പെട്ട വിമാനത്തെ സുരക്ഷിതമായി നിലത്തിറക്കാൻ അവസാന നിമിഷം വരെ പോരാടി ഷാംഭവി പഥക് വിടവാങ്ങി. ആധുനിക വൈമാനിക ചരിത്രത്തിലെ ഏറ്റവും ധീരമായ പോരാട്ടങ്ങളിലൊന്നിന് സാക്ഷ്യം വഹിച്ചാണ് ഈ യുവ പൈലറ്റ് ആകാശത്തിന്റെ നീലിമയിലേക്ക് മറഞ്ഞത്..വിമാനത്തിന് സാങ്കേതിക തകരാർ സംഭവിച്ച നിമിഷം മുതൽ ഭയത്തിന് കീഴടങ്ങാതെ, തന്നോടൊപ്പമുള്ള മഹാരാഷ്ട്ര ഉപമുഖ്യമന്ത്രിയുമായ അജിത് പവാർ ഉള്പ്പടെ 5 ജീവനുകളെ രക്ഷിക്കാനായിരുന്നു ഷാംഭവിയുടെ ശ്രമം. തന്റെ അനുഭവസമ്പത്തും, അറിവും പൂർണ്ണമായി പ്രയോഗിച്ച് വിമാനത്തെ നിയന്ത്രിക്കാൻ അവൾ ശ്രമിച്ചുകൊണ്ടിരുന്നു. ഓരോ സെക്കൻഡും മരണത്തോട് മല്ലിടുമ്പോഴും അവളുടെ ശ്രദ്ധ യാത്രക്കാരുടെ സുരക്ഷയിലായിരുന്നുവെന്ന് കൺട്രോൾ റൂമിൽ നിന്നുള്ള വിവരങ്ങൾ സൂചിപ്പിക്കുന്നു..ലക്ഷ്യസ്ഥാനത്ത് വിമാനത്തെ എത്തിക്കാൻ കഴിഞ്ഞില്ലെങ്കിലും, ഷാംഭവിയുടെ പോരാട്ടം തോൽവിയായി കാണാനാവില്ല. ഏറ്റവും പ്രതികൂല സാഹചര്യത്തിലും ഒരു വൈമാനികയ്ക്ക് പുലർത്താൻ കഴിയുന്ന അസാമാന്യമായ ധീരതയും അർപ്പണബോധവുമാണ് അവൾ ലോകത്തിന് കാണിച്ചു കൊടുത്തത്. തന്റെ തൊഴിലിനോടും സഹയാത്രികരോടും നീതി പുലർത്തിക്കൊണ്ടുള്ള ആ വിടവാങ്ങൽ വരുംതലമുറയിലെ വൈമാനികർക്ക് എന്നും ഒരു പാഠപുസ്തകമായിരിക്കും..തകർന്നു വീഴുമ്പോഴും തളരാത്ത മനക്കരുത്തുമായി പോരാടിയ ആകാശത്തിലെ ആ ധീര നക്ഷത്രത്തിന് കണ്ണീരോടെയാണ് രാജ്യം വിട നൽകുന്നത്. ഒരു പൈലറ്റ് എന്നതിലുപരി, പ്രതിസന്ധികളിൽ പതറാത്ത പോരാളിയായി ചരിത്രം ഷാംഭവി പഥകിനെ അടയാളപ്പെടുത്തും.
