പുതുവത്സരാഘോഷം : എല്ലാ നഗരങ്ങളിലും ശക്തമായ സുരക്ഷാക്രമീകരണങ്ങള്
പുതുവത്സരാഘോഷങ്ങളുടെ ഭാഗമായി തിരുവനന്തപുരം നഗരത്തിലെ വിവിധ സ്റ്റേഷന് പരിധികളിലെ ഹോട്ടലുകള്, റിസോര്ട്ടുകള്, മാളുകള്, റെസ്റ്റോറന്റുകള്, ക്ലബ്ബുകള്, ബീച്ചുകള് എന്നിവ കേന്ദ്രീകരിച്ച് വിവിധ തരത്തിലുള്ള പുതുവത്സര ആഘോഷ പരിപാടികള് സംഘടിപ്പിക്കുന്നു. ടി ആഘോഷ പരിപാടികളില് വലിയ ജനപങ്കാളിത്തം ഉണ്ടാകാന് സാധ്യതയു ള്ളതായും ആയതില് ഭൂരിപക്ഷവും യുവജനങ്ങള് ആയിരിക്കുമെന്നും അറിവായിട്ടുള്ള സാഹചര്യ ത്തില് തിരുവനന്തപുരം നഗരത്തില് ചുവടെ പറയും പ്രകാരമുള്ള വിപുലമായ സുരക്ഷാ ക്രമീകര ണങ്ങള് ഏര്പ്പെടുത്തിയതായി ഡി.ഐ.ജി. & സിറ്റി പോലീസ് കമ്മീഷണര് തോംസണ് ജോസ് ഐ.പി.എസ് അറിയിച്ചു. ആഘോഷപരിപാടികള് നടക്കുന്ന വേദികളിലും, പൊതുസ്ഥലങ്ങളിലും, ബീച്ചുകളിലുമായി 1200 പോലീസ് ഉദ്യോഗസ്ഥരെയാണ് സുരക്ഷയ്ക്കായി നിയോഗിക്കുന്നത്. പൊതുമദ്യപാനം, ക്രമരഹിതമായ പെരുമാറ്റം, മദ്യപിച്ചുള്ള ബഹളങ്ങള് എന്നിവ പോലീസ് പട്രോളിംഗിലൂടെയും കര്ശന പരിശോധനയിലുടെ തടയും. കുടാതെ ഇത്തരം വിഷയങ്ങളില് അറിയപ്പെടുന്ന പ്രതികള്ക്കെതിരെ റെയ്ഡുകള്, മദ്യവും, മയക്കു മരുന്നും വില്ക്കുന്ന സാമൂഹ്യവിരുദ്ധരെ പരിശോധിക്കുകയും. ഇത്തരം പ്രശ്നങ്ങള്ക്ക് പേരുകേട്ട സ്ഥലങ്ങളില് പോലീസ് കൂടുതല് ശ്രദ്ധ കേന്ദ്രീകരിക്കുന്നതാണ്. മദ്യപിച്ച് വാഹനമോടിക്കുക,അശ്രദ്ധയോടെ വാഹനമോടിക്കുക, അമിത വേഗത, പ്രായ പൂര്ത്തിയാകാത്തവരുടെ ഡ്രൈവിംഗ്, അഭ്യാസപ്രകടനങ്ങള് (സ്റ്റണ്ടുകള്) മുതലായവ ബോര്ഡര് സീലിംഗിലൂടെയും, കര്ശന വാഹന പരിശോധനയിലൂടെയും തടയുന്നതാണ്. സ്ത്രീകളെയും,കുട്ടികളെയും ശല്യം ചെയ്യുന്നവരെ നിരീക്ഷിക്കാനും,പിടികൂടാനുമായി പുരുഷ/ വനിത മഫ്റ്റി പോലീസ് ടീമുകളുണ്ടാകും. കുടാതെ പ്രധാന ജംഗ്ഷനുകളീല് പോലീസ് പിക്കറ്റുകളും, പട്രോളിംഗുകളും എര്പ്പെടുത്തിയിട്ടുള്ളതാണ്. ബീച്ചുകള്,വിനോദസഞ്ചാര കേന്ദ്രങ്ങള് തുടങ്ങിയ പൊതുസ്ഥലങ്ങളില് കുടതല് ശ്രദ്ധ കേന്ദ്രീകരിക്കുകയും,ടി സ്ഥലങ്ങളിലെ മോശമായ പെരുമാറ്റം തടയുകയും ചെയ്യുന്നതാണ്. മയക്കുമരുന്ന് ദുരുപയോഗവും, മോശമായ പെരുമാറ്റവും തടയാന് പ്രത്യേകിച്ച് രാത്രിയിലെ ഡി.ജെ പാര്ട്ടികളിലും, അത്തരം ഒത്തുചേരലുകളിലും കുടതല് ശ്രദ്ധ കേന്ദ്രീകരിക്കുന്നതാണ്. ഡി.ജെ പാര്ട്ടികള് സംഘടിപ്പിക്കുന്നതിന് പോലീസില് നിന്ന് അനുമതി വാങ്ങാന് എല്ലാ ഹോട്ടലുകള്ക്കും, ക്ലബ്ബുകള്ക്കും നോട്ടീസ് നല്കുന്നതാണ്. ന്യൂ ഇയര് ദിവസം രാത്രി 12.30 മണിക്ക് തന്നെ) മറ്റ് indoor പ്രോഗ്രാമുകള് അവസാനിപ്പിക്കുന്നതിനുള്ള നടപടി സ്വീകരിക്കേണ്ടതാണ്. ശബ്ദമലിനീകരണവും, മറ്റ് നിയമവിരുദ്ധ പ്രവര്ത്തനങ്ങളും തടയുന്നതും. ഏതെങ്കിലും തരത്തിലുള്ള നിയമവിരുദ്ധ പ്രവര്ത്തനങ്ങള് റിപ്പോര്ട്ട് ചെയ്താല് ആയതിനുള്ള ഉത്തരവാദിത്തം ടി സ്ഥലങ്ങളിലെ മാനേജ്മെന്റുകള്ക്കായിരിക്കും. മാനേജ്മെന്റോ, സംഘാടകരോ, പുതുവത്സരാഘോഷങ്ങളുടെ ഭാഗമായി എത്തുന്ന എല്ലാ അതിഥികള്ക്കും ഒരു എന്ട്രി രജിസ്റ്റര് സൂക്ഷിക്കേണ്ടതാണ്. പുതുവത്സരാഘോഷങ്ങള് നടക്കുന്ന സ്ഥലങ്ങളിലെ സി.സി.ടി.വി പ്രവര്ത്തനക്ഷമമായി രിക്കേണ്ടതും, ആയത് മാനേജ്മെന്റോ/ സംഘാടകരോ ഉറപ്പുവരുത്തേണ്ടതുമാണ്. ആള്ക്കാര് കൂടി നില്ക്കുന്ന ഭാഗത്ത് രാത്രി 12.00 മണിക്ക് ലൈറ്റ് അണയ്ക്കാന് പാടില്ലാത്തതാണ്. ആയത് ബന്ധപ്പെട്ട ഉടമസ്ഥന്/സംഘാടകന്/മാനേജര് ഉറപ്പു വരുത്തേണ്ടതാണ്. പുതുവത്സരാഘോഷങ്ങള് നടക്കുന്ന സ്ഥലങ്ങളിലെ എന്തെങ്കിലും അനിഷ്ട സംഭവങ്ങള് ഉണ്ടായാല് കൃത്യസമയത്ത് പോലീസിനെ അറിയിക്കണം. ഹൈക്കോടതി നിര്ദ്ദേശപ്രകാരമുള്ള ശബ്ദമലിനീകരണ നിയമങ്ങള് പാലിക്കുന്നുണ്ടെന്ന് എല്ലാ മൈക്ക് ഓപ്പറേറ്റന്മാര് ഉറപ്പാക്കേണ്ടതും. അല്ലാത്തപക്ഷം ഉപകരണങ്ങള് പിടി ച്ചെടുത്ത് നിയമനടപടി സ്വീകരിക്കുന്നതാണ്. പോലീസ് പങ്കുവച്ചിട്ടുള്ള (ക്രിമിനല്/ഗുണ്ട) ലിസ്റ്റില് പെട്ട ക്രിമിനല് പശ്ചാത്തലം ഉള്ളവരെ ഒരു കാരണവശാലും DJ പാര്ട്ടികളില് അനുവദിക്കരുത്. അങ്ങനെയുള്ളവര് പങ്കെടുത്താല് പോലീസിനേ അറിയിക്കേണ്ടതാണ്. ക്രിമിനല് പശ്ചാത്തലം ഉള്ളവരെ DJ നടത്തുവാനായി ഹോട്ടല്ലുകളോ സ്ഥാപനങ്ങളോ വിളിച്ച് വരുത്താന് പാടില്ല. അപ്രകാരം ഉള്ളവരേ വച്ച് നടത്തുന്ന പരിപാടികള് ഉത്തരവിന്റെ ലംഘനമായി കണക്കാക്കുന്നതും പരിപാടികളില് നടക്കുന്ന കുറ്റകൃത്യങ്ങളില് സ്ഥാപന ഉടമയ്ക്കും ,മാനേജുമെന്റിനും ഉത്തരവാദിത്വമുണ്ടായിരിക്കുന്നതാണ്. DJ പാര്ട്ടികളില് പങ്കെടുക്കുന്നവര് ആയുധവും മറ്റും കൊണ്ടുവരുന്നോ എന്നു പരിശോധിച്ചു മാത്രം പ്രവേശനം അനുവദിക്കുക. പരിപാടികള് നടക്കുന്ന സ്ഥലങ്ങളില് അകത്തേക്കും പുറത്തേക്കുമുള്ള വഴി കൃത്യമായി തടസ്സമില്ലാത്ത രീതിയില് ക്രമികരിക്കേണ്ടതാണ്. ആടിയന്തിര സാഹചര്യങ്ങള്ക്കുള്ള വഴി പ്രത്യേകമായി കണ്ടു വയ്ക്കേണ്ടതാണ്. വെടിക്കെട്ട് മുതലായവ നടത്തുന്നു എങ്കില് അതിനാവശ്യമായ അനുവാദം നേരത്തെ വാങ്ങേണ്ടതും അത് PESO നിയമപ്രകാരമുള്ള അകലങ്ങളില് മാത്രം ക്രമീകരിക്കേണ്ടതാണ്. എല്ലാ തല്കാലിക നിര്മാണത്തിനും മുന്കൂര്അനുമതിയും ഫിറ്റ്നെസ്സ് പരിശോധനയും നടത്തി സര്ട്ടിഫിക്കറ്റ് വാങ്ങേണ്ടതാണ്. ആളുകള് കൂടുന്ന സ്ഥലങ്ങളില് വെള്ളവും വെളിച്ചവും, ഫയര്ഫോര്സും നിര്ബന്ധമായും ഉണ്ടാകേണ്ടതാണ്.ആവശ്യഘട്ടങ്ങളില് ഉടനടി പോലീസിന്റേ സേവനത്തിനായി 112 ബന്ധപ്പെടാവുന്നതാണ്. തീരദേശ മേഖലകളില് തീരദേശവാസികള് ന്യൂഇയറിനോടനുബന്ധിച്ച് മത്സ്യബന്ധന ബോട്ടുകളിലും,വള്ളങ്ങളിലും കുട്ടികളും സ്ത്രീകളും ഉള്പ്പെടെയുള്ള കുടുംബാംഗങ്ങളുമായി മതിയായ സുരക്ഷാ മുന്കരുതലുകള് സ്വീകരിക്കാതെ കടലിലേക്ക് പോകുന്നത് പതിവുള്ള തിനാല് കടലുകള് കേന്ദ്രീകരിച്ച് കോസ്റ്റല് പോലീസ്, കോസ്റ്റ് ഗാര്ഡ് എന്നിവരുടെ പട്രോളിംഗ് ശക്തമാക്കുന്നതാണ്. പ്രധാനറോഡുകളിലും ഇടറോഡുകളിലും വാഹനങ്ങള് പാര്ക്ക് ചെയ്യാന് പാടില്ലാത്തതും പാര്ക്കിംഗിനായി അനുവദിച്ചിട്ടുള്ള സ്ഥലങ്ങളില് മാത്രം വാഹനങ്ങള് പാര്ക്ക് ചെയ്യേണ്ടതാണ്. വാഹനങ്ങള് പാര്ക്ക് ചെയ്ത ശേഷം പുതുവത്സരാഘോഷ പരിപാടി കാണാന് പോകുന്ന അവസരത്തില് വാഹനത്തില് ഫോണ് നമ്പര് എഴുതി പ്രദര്ശിപ്പിക്കേണ്ടതാണ്. ഗതാഗത തടസ്സം സൃഷ്ടിച്ച് പാര്ക്ക് ചെയ്തിട്ടുള്ള വാഹനങ്ങള് പോലീസ് റിക്കവറി വാഹനം ഉപയോഗിച്ച് മാറ്റി നിയമ നടപടികള് സ്വീകരിക്കും. ട്രാഫിക് സംബന്ധമായ പരാതികളും നിര്ദ്ദേശങ്ങളും 9497987002, 9497987001 എന്നീ ഫോണ് നമ്പരുകളില് പൊതുജനങ്ങള്ക്ക് അറിയിക്കാവുന്നതാണ്.മാനവീയം വീഥിയിലെ ക്രമീകരണങ്ങള് മാനവിയം വീഥിയിലെ ഇരുവശത്തും ബാരിക്കേഡുകള് സ്ഥാപിച്ച് പ്രവേശനവും, പുറത്തേക്ക് പോകുന്നതും തടയുന്നതും, പ്രവേശനത്തിലും പുറത്തുകടക്കുമ്പോഴും എല്ലാ വ്യക്തികളെയും പരിശോധിക്കുകയും വീഡിയോ ഗ്രാഫ് ചെയ്യുകയും ചെയ്യുന്നതാണ്. ക്രമസമാധാപ്രശ്നമുണ്ടാക്കുന്നവരെയും, മയക്കുമരുന്ന് കച്ചവടക്കാരെയും പിടികൂടാന് മാനവീയം വിഥിയുടെ പരിസര പ്രദേശങ്ങളിലെല്ലാം മഫ്തി പോലീസ് പട്രോളിംഗ് നടത്തും. മദ്യപിച്ച് മോശമായി പെരുമാറുന്നവരെ കര്ശനമായി നേരിടും. അശ്രദ്ധയോടും, മദ്യ പിച്ചും,വാഹനമോടിക്കുന്നതുമായ എല്ലാവരുടേയും വാഹനങ്ങള് പിടിച്ചെടുക്കുകയും അവരുടെ ഡ്രൈവിംഗ് ലൈസന്സ് സസ്പെന്ഡ് ചെയ്യുന്നതിനുള്ള നടപടികള് സ്വീകരി ക്കുകയും ചെയ്യും. ഈ വര്ഷത്തെ പുതുവത്സരാഘോഷപരിപാടികള് സുരക്ഷിതമായി നടത്തുന്നതിനായി സിറ്റി പോലീസ് ഏര്പ്പെടുത്തിയിരിക്കുന്ന സുരക്ഷാ ക്രമീകരണങ്ങളോട് പൊതുജനങ്ങള് സഹകരി ക്കണമെന്നും ആഘോഷങ്ങള്ക്കിടെ കുറ്റകൃത്യങ്ങളും, നിയമ ലംഘനങ്ങളും നടത്തുന്ന വര്ക്കെ തിരെ ശക്തമായ നടപടികള് സ്വീകരിക്കുമെന്നും സിറ്റി പോലീസ് അറിയിച്ചു
