സത്യപ്രതിജ്ഞയ്ക്ക് മണിക്കൂറുകൾ മാത്രം ബാക്കി നിൽക്കെ പഞ്ചായത്തംഗം അന്തരിച്ചു
സത്യപ്രതിജ്ഞയ്ക്കു മണിക്കുറുകൾ മാത്രം ബാക്കി നിൽക്കേ മീനടത്ത് നിയുക്ത പഞ്ചായത്തംഗം മരണപ്പെട്ടു. മീനടം ഒന്നാം വാർഡിൽ നിന്നു വിജയിച്ച പ്രസാദ് നാരായണനാണ് മരണപ്പെട്ടത്. കോൺഗ്രസ് പ്രവർത്തകനും കഴിഞ്ഞ മുപ്പതു വർഷമായി പഞ്ചായത്തംഗവുമായിരുന്നു . നാളത്തെ സത്യപ്രതിജ്ഞയ്ക്കു തയാറെടുക്കുന്നതിനിടെയാണ് ഹൃദയാഘാതം ഉണ്ടായത്. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പ്രസാദിന്റെ അപ്രതീക്ഷിത വേർപാട് ഉറ്റവരെയും, കോൺഗ്രസ് പ്രവർത്തകരെയും ദുഖത്തിലാഴ്ത്തി
റിപ്പോർട്ട് മധു
