പൂഞ്ഞാർ വളതൂക്കിൽ ആടിനെ കടിച്ചു കൊന്നത് കുറുനരി; വനം വകുപ്പിന്റെ ക്യാമറയിൽ വ്യക്തമായ ദൃശ്യങ്ങൾ!
:
പൂഞ്ഞാർ: വളതൂക്ക് പ്രദേശത്ത് ആടിനെ കടിച്ചു കൊന്ന സംഭവത്തിൽ രഹസ്യം വ്യക്തമായി. വനം വകുപ്പ് സ്ഥാപിച്ച ക്യാമറയിൽ നിന്നുള്ള ദൃശ്യങ്ങളിൽ കുറുനരിയെയാണ് അക്രമിയായി തിരിച്ചറിഞ്ഞത്.
പൂഞ്ഞാർ പഞ്ചായത്തിലെ വളതൂക്ക് കൃഷിഭവൻ സമീപം കീരംചിറയിൽ ജോസിന്റെ ഉടമസ്ഥതയിലുള്ള ഒന്നര വയസ്സ് പ്രായമുള്ള ആടിനെയാണ് കൊലപ്പെടുത്തിയത്. ഇന്നലെ വൈകുന്നേരമാണ് സംഭവം നടന്നത്.
തീറ്റാനായി അഴിച്ചുവിട്ട ആടിനെ പകുതിയോളം കടിച്ചു തിന്ന നിലയിൽ കണ്ടതിനെ തുടർന്ന് വനം വകുപ്പ് അധികൃതരെ വിവരം അറിയിച്ചു. രാത്രി 9 മണിയോടെ ഫോറസ്റ്റ് ഉദ്യോഗസ്ഥർ സ്ഥലത്തെത്തി പരിശോധന നടത്തി ക്യാമറ സ്ഥാപിച്ചു.
പിന്നീട് രാത്രിയിലും ആടിന്റെ ശരീരം വീണ്ടും തിന്നതായി കണ്ടെത്തി. ദൃശ്യങ്ങൾ പരിശോധിച്ചപ്പോൾ അക്രമിച്ചത് കുറുനരിയാണെന്ന് വ്യക്തമായി.
🔹 വനം വകുപ്പ് കൂടുതൽ നിരീക്ഷണം തുടരുകയാണ്.
🔹 പ്രദേശവാസികൾ ഭീതിയിലായി.
