ത്രിശൂരിൽ മരണ വീട്ടില് അതിക്രമിച്ച് കയറി വീട്ടുകാരെ അക്രമിച്ച് പരിക്കേല്പ്പിച്ചു :യുവതികളടക്കം മൂന്നുപേർ കസ്റ്റഡിയിൽ
തൃശൂർ നാട്ടികയില് മരണ വീട്ടില് അതിക്രമിച്ച് കയറി വീട്ടുകാരെ അക്രമിച്ച് പരിക്കേല്പ്പിച്ച കേസില് സ്റ്റേഷൻ റൗഡികളായ രണ്ട് യുവതികളടക്കം മൂന്ന് പേരെ പൊലീസ് അറസ്റ്റ് ചെയ്തു.
ചാമക്കാല സ്വദേശി ഹിമ 25, വലപ്പാട് കാരായമുട്ടം സ്വദേശി സ്വാതി 28, ചാവക്കാട് സ്വദേശി 22 എന്നിവരെയാണ് വലപ്പാട് പൊലീസ് അറസ്റ്റ് ചെയ്തത്. നാട്ടിക സ്വദേശി സുധീർ എന്നയാളുടെ വീട്ടിലേക്ക് അതിക്രമിച്ച് കയറി വീടിനുള്ളിലുണ്ടായിരുന്ന സുധീറിനെയും സഹോദരൻ സുബൈർ, ഷിബിന എന്നിവരെയും ആക്രമിച്ച് പരിക്കേല്പിച്ച കേസിലാണ് അറസ്റ്റ്. കോടതിയില് ഹാജരാക്കിയ പ്രതികളെ റിമാന്റ് ചെയ്തു.
ഇവര് നേരത്തെ വലപ്പാട് പൊലീസ് സ്റ്റേഷൻ പരിധിയിൽ കവർച്ച കേസില് കൂട്ടുപ്രതികളായിരുന്നു. ഹിമ, സ്വാതി എന്നിവർ കാപ്പ പ്രകാരം 6 മാസക്കാലത്തേക്ക് കൊടുങ്ങല്ലൂർ ഡിവൈഎസ്പി ഓഫീസില് ഒപ്പ് വയ്ക്കുന്നതിനുള്ള നടപടി നേരിട്ട് വരുന്നവരാണ്. ഇവർ വലപ്പാട് പൊലീസ് സ്റ്റേഷനില് കവർച്ച, വീടുകയറി ആക്രമണം, അടിപിടി എന്നിവ അടക്കം മൂന്ന് ക്രിമിനല് കേസുകളിലെ പ്രതികളാണ്.
