ട്രെയിനിറങ്ങി വണ്ടി അന്വേഷിച്ച് നടക്കേണ്ട,സ്റ്റേഷനില് ഇ-സ്കൂട്ടര് റെഡി; വേണ്ടത് ആധാറും ലൈസന്സും
തീവണ്ടിയിലെത്തി ഇ-സ്കൂട്ടര് വാടകയ്ക്കെടുത്ത് കറങ്ങാന് റെയില്വേ സ്റ്റേഷനുകളില് സൗകര്യമൊരുങ്ങുന്നു. കാസര്കോട് മുതല് പൊള്ളാച്ചി വരെ 15 സ്റ്റേഷനുകളില് റെയില്വേ ഇലക്ട്രിക് ഇരുചക്രവാഹനം വാടകയ്ക്ക് നല്കും. കോഴിക്കോട് ഉള്പ്പെടെ വലിയ സ്റ്റേഷനുകള്ക്കു പുറമെ ഫറൂഖ്, പരപ്പനങ്ങാടി പോലെ ചെറിയ സ്റ്റേഷനുകളിലും ഇലക്ട്രിക് ഇരുചക്രവാഹനമെത്തും. മണിക്കൂര്-ദിവസ വാടകയ്ക്കാണ് വാഹനം നല്കുക. അവ സൂക്ഷിക്കാനുള്ള സ്ഥലം റെയില്വേ നല്കും.കരാറുകാരാണ് സംരംഭം ഒരുേക്കണ്ടത്. വാഹനം എടുക്കാനെത്തുന്നവരുടെ ആധാര്കാര്ഡ്, ലൈസന്സുള്പ്പെടെയുള്ള രേഖകളുടെ പരിശോധനയുണ്ടാകും. തിരുവനന്തപുരം ഡിവിഷനില് എറണാകുളം, തിരുവനന്തപുരം ഉള്പ്പെടെ വലിയ സ്റ്റേഷനുകളില് ബൈക്ക് വാടകയ്ക്ക് നല്കുന്നുണ്ട് (റെന്റ് എ ബൈക്ക്).ഇ-സ്കൂട്ടറുകള് വരുന്ന സ്റ്റേഷനുകള്:പൊള്ളാച്ചി, ഒറ്റപ്പാലം, നിലമ്പൂര്, കോഴിക്കോട്, തിരൂര്, ഫറൂഖ്, പരപ്പനങ്ങാടി, വടകര, മാഹി, തലശ്ശേരി, കണ്ണൂര്, പയ്യന്നൂര്, കാഞ്ഞങ്ങാട്, കാസര്കോട്, മംഗളൂരു ജങ്ഷന്.
റിപ്പോർട്ട് Hr. Salim Kavasseri
