കേരള ഗവര്ണറായി രാജേന്ദ്ര വിശ്വനാഥ് ആര്ലേക്കര് സത്യപ്രതിജ്ഞ ചെയ്തു.
തിരുവനന്തപുരം : രാജേന്ദ്ര വിശ്വനാഥ് ആര്ലേക്കര് കേരള ഗവര്ണറായി സത്യപ്രതിജ്ഞ ചെയ്തു. വ്യാഴാഴ്ച രാവിലെ 10.30-ന് രാജ്ഭവനില് നടന്ന ചടങ്ങിലാണ് ആര്ലേക്കര് സത്യപ്രതിജ്ഞ ചെയ്തത്. കേരള ഹൈക്കോടതി ചീഫ് ജസ്റ്റിസ് നിതിന് മധുകര് ജാംദാര് സത്യവാചകം ചൊല്ലിക്കൊടുത്തു. മുഖ്യമന്ത്രി പിണറായി വിജയന്, ചീഫ് സെക്രട്ടറി ശാരദാ മുരളീധരന്, ഗവര്ണറുടെ ഭാര്യ അനഘ ആര്ലേക്കര് എന്നിവരും പരിപാടിയില് പങ്കെടുത്തുഗോവ നിയമസഭാ മുന് സ്പീക്കറായിരുന്നു രാജേന്ദ്ര വിശ്വനാഥ് ആര്ലേക്കര്. ബിഹാര് ഗവര്ണറായി പ്രവര്ത്തിച്ച് വരികയായിരുന്നു. ഹിമാചല് പ്രദേശ് ഗവര്ണറായും സ്ഥാനം വഹിച്ചിട്ടുണ്ട്. 1980കളില് തന്നെ ഗോവ ബിജെപിയില് സജീവ സാന്നിധ്യമായിരുന്നു. പാര്ട്ടിയില് വിവിധ സ്ഥാനങ്ങളും വഹിച്ചിട്ടുണ്ട്. 2015ല് ഗോവ മന്ത്രിസഭ പുനഃസംഘടനയില് ആര്ലേക്കര് വനം വകുപ്പ് മന്ത്രിയായി പ്രവര്ത്തിച്ചിട്ടുണ്ട്. 2021ലാണ് ഹിമാചല് പ്രദേശിലെ ഗവര്ണറായി നിയമിതനായത്. പിന്നീട് 2023ല് ബിഹാര് ഗവര്ണറായി നിയമിതനായി.
