സമൂഹമാധ്യമങ്ങളിലൂടെ അപകീര്ത്തിപ്പെടുത്തി:പി.പി.ദിവ്യ
സമൂഹമാധ്യമങ്ങളിലൂടെ അപകീര്ത്തിപ്പെടുത്തിയെന്ന കണ്ണൂര് മുന് ജില്ലാ പഞ്ചായത്ത് അംഗം പി.പി.ദിവ്യയുടെ പരാതിയില് പോലീസ് കേസെടുത്തു. സിറ്റി പോലീസ് കമ്മീഷണര്ക്ക് നല്കിയ പരാതിയില് കണ്ണൂര് വനിതാ പോലീസാണ് കേസെടുത്തത്.യൂട്യൂബര് ബിനോയ് കുഞ്ഞുമോന്, തൃശൂര് സ്വദേശി വിമല്, ന്യൂസ് കഫേ ലൈഫ് എന്നിവര്ക്കെതിരെയാണ് കേസ്. സമൂഹമാധ്യമങ്ങളിലൂടെ അപകീര്ത്തിപ്പെടുത്തി, കുടുംബാംഗങ്ങളെ കൊലപ്പെടുത്തുമെന്ന് ഭീഷണിപ്പെടുത്തി തുടങ്ങിയ കാര്യങ്ങള് ചൂണ്ടിക്കാട്ടിയാണ് ദിവ്യ പരാതി നല്കിയത്.എഡിഎം നവീന് ബാബു ജീവനൊടുക്കിയ സംഭവത്തില് പ്രതിപ്പട്ടികയിലുള്ള ആളാണ് ദിവ്യ. കേസ് വന്നതിന് പിന്നാലെ ചിലര് തന്നെ അപകീര്ത്തിപ്പെടുത്തകയാണെന്നാണ് ദിവ്യയുടെ പരാതി.
