ഭക്തരിൽ നിന്ന് അനധികൃതമായി വില ഈടാക്കുന്ന കടകള്ക്കെതിരെ കര്ശന നടപടിയെടുക്കണെന്ന് ഹൈക്കോടതി
ശബരിമല തീര്ത്ഥാടനത്തിലെ ക്രമീകരണങ്ങളുമായി ബന്ധപ്പെട്ട ഹര്ജികള് പരിഗണിച്ചുകൊണ്ടാണ് ഹൈക്കോടതി നിര്ദേശം ശബരിമലയിൽ ഭക്തരിൽ നിന്ന് അനധികൃതമായി വില ഈടാക്കുന്ന കടകള്ക്കെതിരെ കര്ശന നടപടിയെടുക്കണെന്ന് ഹൈക്കോടതി. നിലയ്ക്കൽ, പമ്പ, സന്നിധാനം എന്നിവിടങ്ങളിലെ ഡ്യൂട്ടി മജിസ്ട്രേറ്റുകള്ക്കാണ് നിര്ദേശം. നിശ്ചിത ഇടവേളകളിൽ കടകളിൽ പരിശോധന നടത്തണം. അമിത വില ഈടാക്കുന്നത് കണ്ടെത്തിയാൽ കര്ശന നടപടിയെടുക്കണമെന്നും കോടതി നിര്ദേശിച്ചു. ശബരിമല തീര്ത്ഥാടനത്തിലെ ക്രമീകരണങ്ങളുമായി ബന്ധപ്പെട്ട ഹര്ജികള് പരിഗണിച്ചുകൊണ്ടാണ് ഹൈക്കോടതി നിര്ദേശം. ഹൈക്കോടതി ദേവസ്വം ബെഞ്ചാണ് ഇതുസംബന്ധിച്ച നിര്ദേശം നൽകിയത്. പമ്പ-സന്നിധാനം പാതയിലെ കടകളിൽ പരിശോധന നടത്തണം. ഹോട്ടലുകൾ കേന്ദ്രീകരിച്ച് ചില പ്രശ്നങ്ങൾ സ്പെഷ്യൽ കമ്മീഷണർ സൂചിപ്പിച്ചതായും ഹൈക്കോടതി വ്യക്തമാക്കി.
ഇതുസംബന്ധിച്ച് ദേവസ്വം ബോർഡിനോട് ഹൈക്കോടതി വിവരങ്ങൾ ആരാഞ്ഞശേഷമാണ് പരിശോധന സംബന്ധിച്ച നിര്ദേശം നൽകിയത്.
റിപ്പോർട്ട് സുരേഷ് വാഴവിള കോന്നി മലനാട്