കോഴിക്കോട് പിക്കപ്പ് വാൻ മറിഞ്ഞ് ഒരാൾ മരിച്ചു:16 പേർക്ക് പരിക്ക്
കോഴിക്കോട്: കൂടരഞ്ഞിയില്‍ പിക്കപ്പ് വാന് നിയന്ത്രണം വിട്ട് മറിഞ്ഞ് ഒരാള്‍ മരിച്ചു. ഇതര സംസ്ഥാന തൊഴിലാളികള്‍ സഞ്ചരിച്ച മിനി പിക്കപ്പ് വാന് നിയന്ത്രണം വിട്ടു മറിയുകയായിരുന്നു. കുടരഞ്ഞി മേലെ കൂമ്പാറയിലാണ് അപകടം. സംഭവത്തില്‍ 16 പേര്‍ക്ക് പരിക്കേറ്റിട്ടുണ്ട്. ഒരാളുടെ നില ഗുരുതരമാണ്. പരിക്കേറ്റവരെ മുക്കത്തെ സ്വകാര്യ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്.
വളവിൽ നിയന്ത്രണം വിട്ട വാന് റോഡിൽനിന്ന് 15 അടി താഴ്ചയിലേക്ക് പതിക്കുകയായിരുന്നു. കോൺക്രീറ്റ് ജോലി കഴിഞ്ഞു മടങ്ങവേയാണ് അപകടം. നാട്ടുകാരും പൊലീസും ചേർന്നാണ് രക്ഷാപ്രവർത്തനം നടത്തിയത്. എംഎൽഎ ലിന്റോ ജോസഫ് അടക്കം സ്ഥലത്തെത്തി രക്ഷാപ്രവർത്തനത്തിന് നേതൃത്വം നൽകി.
