ചെറിയനാട് സ്വദേശിയിൽ നിന്ന് സർട്ടിഫിക്കറ്റ് പുതുക്കി നൽകാമെന്ന് പറഞ്ഞ് 3.45 ലക്ഷം തട്ടിയെടുത്ത പ്രതി അറസ്റ്റില്‍
നഴ്‌സായ ഭാര്യയുടെ നഴ്‌സിംഗ് കൗണ്‍സില്‍ സര്‍ട്ടിഫിക്കറ്റ് പുതുക്കിതരാമെന്ന് വാഗ്ദാനം ചെയ്താണ് ഇയാള്‍ പണം തട്ടിയെടുത്തത്.
റിപ്പോർട്ട് അനീഷ് ചുനക്കര
ചെങ്ങന്നൂര്‍ :
സര്‍ട്ടിഫിക്കറ്റ് പുതുക്കലിന്റെ മറവില്‍ പണം തട്ടിയെടുത്തയാളെ ചെങ്ങന്നൂര്‍ പോലീസ് പിടികൂടി. തിരുവനന്തപുരം തൈക്കാട് വലിയശാല ശ്രീ വൈശാഖത്തിൽ ലെഗീഷ് (41)ആണ് പിടിയിലായത്. ചെറിയനാട് സ്വദേശിയായ പ്രദീപ്കുമാറില്‍ നിന്നും 3.45 ലക്ഷം രൂപയാണ് ഇയാള്‍ തട്ടിയെടുത്തത്. പ്രദീപും ഭാര്യയും കുവൈറ്റിലാണ്. നഴ്‌സായ ഭാര്യയുടെ നഴ്‌സിംഗ് കൗണ്‍സില്‍ സര്‍ട്ടിഫിക്കറ്റ് പുതുക്കിതരാമെന്ന് വാഗ്ദാനം ചെയ്താണ് ഇയാള്‍ പണം തട്ടിയെടുത്തത്. മുളന്തുരുത്തിയില്‍ നിന്നും പിടികൂടിയ പ്രതിയെ കോടതിയില്‍ ഹാജരാക്കി . ഡിവൈഎസ്പി എം.കെ. ബിനുകുമാറിന്റെ നിര്‍ദേശപ്രകാരം ഇൻസ്പെക്ടർ വിപിന്‍, എസ്‌ഐ പ്രദീപ്, എഎസ്‌ഐ അനില്‍, സിപിഒ ശ്രീരാജ് എന്നിവരടങ്ങുന്ന സംഘമാണ് പ്രതിയെ പിടികൂടിയത്.
