അഹമ്മദാബാദിൽ കാർ ഡ്രൈവർ എംബിഎ വിദ്യാർത്ഥിയെ കുത്തിക്കൊന്നു

അഹമ്മദാബാദിലെ ഒരു പ്രമുഖ ബിസിനസ് സ്‌കൂളിലെ രണ്ട് വിദ്യാർത്ഥികൾ മോട്ടോർ സൈക്കിളിൽ അവരുടെ ഇൻസ്റ്റിറ്റ്യൂട്ടിലെ ഹോസ്റ്റലിലേക്ക് മടങ്ങുന്നതിനിടെയാണ് സംഭവം. ബിസിനസ് സ്‌കൂളിലെ രണ്ടാം വർഷ എംബിഎ വിദ്യാർത്ഥിയായ 23 കാരൻ അശ്രദ്ധമായി വാഹനം ഓടിച്ചതിനെ ചൊല്ലിയുള്ള തർക്കത്തെ തുടർന്നാണ് കാർ ഡ്രൈവർ കുത്തിക്കൊലപ്പെടുത്തിയത് .അഹമ്മദാബാദിലെ മുദ്ര ഇൻസ്റ്റിറ്റ്യൂട്ട് ഓഫ് കമ്മ്യൂണിക്കേഷൻസിലെ (MICA) രണ്ട് വിദ്യാർത്ഥികൾ ഞായറാഴ്ച രാത്രി 11.30 ഓടെ ഒരു ബേക്കറി ഷോപ്പിൽ നിന്ന് കേക്ക് വാങ്ങി അവരുടെ ഇൻസ്റ്റിറ്റ്യൂട്ടിൻ്റെ ഹോസ്റ്റലിലേക്ക് മോട്ടോർ സൈക്കിളിൽ മടങ്ങുകയായിരുന്നു.

അമിത വേഗതയിൽ വാഹനമോടിച്ചതിൻ്റെ പേരിൽ ബൊപ്പാൽ ലോക്കൽ ക്രോസ്‌റോഡിൽ വച്ച് അമിതവേഗതയിലായിരുന്ന കാർ ഡ്രൈവറുമായി ഇരുവരും തമ്മിൽ തർക്കമുണ്ടായതായി അഹമ്മദാബാദ് റൂറൽ പോലീസ് സൂപ്രണ്ട് (എസ്പി) ഓം പ്രകാശ് ജാട്ട് പറഞ്ഞു.തുടർന്ന് കാർ ഡ്രൈവർ വിദ്യാർത്ഥികളെ 200 മീറ്ററോളം പിന്തുടര് ന്ന് തൻ്റെ വാഹനത്തിൽ നിന്ന് കത്തി എടുത്ത് അവരിൽ ഒരാളെ കുത്തുകയായിരുന്നുവെന്ന് പോലീസ് ഉദ്യോഗസ്ഥർ പറഞ്ഞു.ആന്തരിക രക്തസ്രാവത്തെ തുടർന്ന് പരിക്കേറ്റ പ്രിയാൻഷു ജെയിൻ എന്ന വിദ്യാർത്ഥിയെ ആശുപത്രിയിൽ എത്തിച്ചെങ്കിലും മരണത്തിന് കീഴടങ്ങിയതായി പോലീസ് ഉദ്യോഗസ്ഥൻ പറഞ്ഞു.

“പ്രതിയെ ഇതുവരെ തിരിച്ചറിഞ്ഞിട്ടില്ല, ഉടൻ പിടികൂടുമെന്നും പോലീസ് പറഞ്ഞു