ഗുണ്ടകൾ ആക്രമിച്ചെന്ന ഗോപിയുടെ പ്രസ്താവന പച്ചക്കള്ളം എന്ന് വിഎസ് സുനിൽകുമാർ
അവര്‍ക്കെതിരേ എന്തുകൊണ്ട് പോലീസില്‍ പരാതി നല്‍കിയില്ല. ഇക്കാര്യം പോലീസ് അന്വേഷിക്കണം.
റിപ്പോർട്ട്‌ അശ്വതി
തൃശൂര്‍: പൂരപ്പറമ്പില്‍ തന്നെ ഗുണ്ടകള്‍ ആക്രമിച്ചെന്ന സുരേഷ്‌ഗോപിയുടെ പ്രസ്താവന പച്ചക്കള്ളമെന്ന് സിപിഐ നേതാവ് വി.എസ്.സുനില്‍കുമാര്‍. മാധ്യമപ്രവര്‍ത്തകര്‍ക്കെതിരേ ചൂടോടെ പരാതി നല്‍കിയ സുരേഷ്‌ഗോപി ഗുണ്ടകള്‍ ആക്രമിച്ചിട്ട് എന്തുകൊണ്ട് മിണ്ടിയില്ലെന്ന് അദ്ദേഹം ചോദിച്ചു.
ഏത് ഗുണ്ടകളാണ് സുരേഷ്‌ഗോപിയെ ആക്രമിച്ചത്. അവര്‍ക്കെതിരേ എന്തുകൊണ്ട് പോലീസില്‍ പരാതി നല്‍കിയില്ല. ഇക്കാര്യം പോലീസ് അന്വേഷിക്കണം.
തൃശൂര്‍ പൂരം അലങ്കോലപ്പെട്ടതുമായി ബന്ധപ്പെട്ടുള്ള സത്യം പുറത്തുവരുമെന്ന ഘട്ടം വരുമ്പോള്‍ പലതരത്തിലുള്ള നുണകളും കള്ളക്കഥകളും പ്രചരിപ്പിക്കുകയാണ്. നിലവിലുള്ള നിയമം ലംഘിച്ചുകൊണ്ടാണ് സുരേഷ്‌ഗോപി ആംബുലന്‍സില്‍ വന്നത്.
ആംബുലന്‍സ് രോഗിക്ക് സഞ്ചരിക്കാനുള്ളതാണ്. ഇക്കാര്യത്തില്‍ മോട്ടോര്‍വാഹന വകുപ്പ് അനാസ്ഥ അവസാനിപ്പിച്ച് സുരേഷ്‌ഗോപിക്കെതിരേ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
