കാക്കി സർക്കസ് – മികച്ച ചിത്രം

മികച്ച അഭിപ്രായം നേടി കാക്കി സർക്കസ്*പോലീസ് പശ്ചാത്തലത്തിൽ ഒരുങ്ങുന്ന കഥകൾ എപ്പോഴും ഒരു ഇൻവെസ്റ്റിഗേഷൻ ത്രില്ലർ അല്ലെങ്കിൽ ഒരു പവർ പാക് ആക്ഷൻ എന്നീ ഗണത്തിൽ ഉൾപ്പെട്ടാണ്

സാധാരണ പ്രേക്ഷകർക്ക് മുന്നിൽ എത്താറുള്ളത്. എന്നാൽ ഇതിൽ നിന്നെല്ലാം വേറിട്ടുനിൽക്കുന്ന ഒരു കോമഡി ത്രില്ലർ പോലീസ് സ്റ്റോറി പറയുകയാണ് സി ഫൈവിൽ കഴിഞ്ഞദിവസം പുറത്തിറങ്ങിയ വെബ് സീരീസായ ‘കാക്കി സർക്കസ്’. തമിഴ്, മലയാളം ഭാഷകളിലായി പുറത്തിറങ്ങിയ Zee 5 ഒറിജിനൽ സീരീസാണ് കാക്കി സർക്കസ് .

അമീൻ ബാരിഫ് രചനയും സംവിധാനവും നിർവഹിച്ചിരിക്കുന്ന ഈ സീരീസ് റൈസ് ഈസ്റ്റ് എന്റർടെയ്ൻമെന്റ് ബാനറിൽ ആണ് നിർമിച്ചിരിക്കുന്നത്. മുനിഷ്കാന്ത്,സുഭാഷ് സെൽവം,രാജേഷ് മാധവൻ,ഗൗതമി നായർ,അമൃത,അബ്ദുൾ ലീ,വിൻസു റേച്ചൽ,രാകേഷ് ഉഷാർ,സാവിത്രി,മരുതുപാണ്ടിയൻ,ചിത്തിരസേനൻ, അരുൺ, വിഘ്നേശ്വർ എന്നിവരടങ്ങുന്ന വലിയ താരനിര തന്നെ സീരീസിൽ അണിനിരക്കുന്നുണ്ട്.ഒരു ജയിലിന്റെ പശ്ചാത്തലത്തിലാണ് കാക്കി സർക്കസിന്റെ കഥ നീങ്ങുന്നത് . എഴുത്തിനോടും വിശ്വാസങ്ങളോടും ഭ്രമമുള്ള ഒരു ജയിൽ സൂപ്രണ്ടും ജയിൽ പരിസരവുമാണ് പ്രധാന കഥാപാത്രവും കഥാപരിസരവും. ജയിൽ കോമ്പൗണ്ടിൽ തന്നെയുള്ള അമ്പലത്തിന്റെ ഭണ്ഡാരം മോഷണം പോകുന്നതും, അത് പുറംലോകമറിയാതെ മറച്ചുവയ്ക്കുവാൻ പോലീസ് സൂപ്രണ്ടും സംഘവും പരിശ്രമിക്കുന്നതും, അതിന്റെ അന്വേഷണവുമാണ് ചിത്രത്തിന്റെ ഇതിവൃത്തം. 7 എപ്പിസോഡുകൾ വീതമുള്ള വെബ് സീരീസ് വളരെ രസകരമായിട്ടാണ് നീങ്ങുന്നത്. കേരളവും തമിഴ്നാടുമാണ് സീരിസിന്റെ പ്രധാന പശ്ചാത്തലം .

അതുകൊണ്ടുതന്നെ കഥാപാത്രസൃഷ്ടിയിലെ വൈവിധ്യവും ഏറെ കൗതുകം സൃഷ്ടിക്കുന്നുണ്ട്. തമിഴിൽ നിന്ന് മുനീഷ് കാന്തും, മലയാളത്തിൽ നിന്ന് രാജേഷ് മാധവനുമാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്, ഇരുവരുടെയും ഗംഭീര പ്രകടനങ്ങളും എടുത്തു പറയേണ്ടതാണ്. കാക്കി സർക്കസിലെ രാജേഷ് മാധവന്റെ അഭിനയമികവ് തമിഴ്നാട്ടിലും ഏറെ ആരാധകരെ സൃഷ്ടിക്കുമെന്ന് ഉറപ്പ് .കമ്മട്ടം, ഇൻസ്പെക്ഷൻ ബംഗ്ലാവ്,കാസർഗോഡ് എംബസി എന്നീ ഹിറ്റ് സീരിസുകൾക്ക് ശേഷമുള്ള ഒറിജിനൽ സീരീസാണിത് . ഈ വേനൽ അവധിക്കാലത്ത് പ്രേക്ഷകർക്ക് കുടുംബത്തോടൊപ്പം ചിരിച്ചാസ്വദിക്കാൻ, വിഷുസമ്മാനായിട്ടാണ് സീരീസ് പ്രേക്ഷകരിലേക്ക് എത്തിയിരിക്കുന്നത്.റേറ്റിംഗ് : 3.5/5