അജിത്ത് പവാര് മരണം, അപകടത്തില്പ്പെട്ടത് ലോകപ്രശസ്ത ജെറ്റ്: ഡിജിസിഎ യും ആഭ്യന്തര വകുപ്പും അന്വേഷണത്തിന്
അജിത്ത് പവാര് മരണം, അപകടത്തില്പ്പെട്ടത് ലോകപ്രശസ്ത ജെറ്റ്: ഡിജിസിഎ യും ആഭ്യന്തര വകുപ്പം അന്വേഷണത്തിന്
അജിത് പവാറിന് വിട, ദാരുണാപകടം ബാരാമതി വിമാനത്താവളത്തില് ലാന്ഡ് ചെയ്യുന്നതിനിടെ; തകര്ന്നത് ലോകപ്രശസ്തമായ ബിസിനസ് ജെറ്റ്, ഡിജിസിഎ അന്വേഷണം തുടങ്ങി
മഹാരാഷ്ട്ര ബരാമതിയില് വിമാന അപകടത്തില് ഉപമുഖ്യമന്ത്രി അജിത് പവാര് അടക്കം 5 പേര്ക്ക് ദാരുണാന്ത്യം. ബാരാമതി വിമാനത്താവളത്തില് ലാന്ഡ് ചെയ്യാന് ശ്രമിക്കുന്നതിനിടെ വിമാനം തകര്ന്നുവീണ് പൊട്ടിത്തെറിക്കുകയായിരുന്നു.
അജിത് പവാര് ഉള്പ്പെടെ അഞ്ച് പേരാണ് വിമാനത്തില് ഉണ്ടായിരുന്നത്. എല്ലാവരും മരിച്ചെന്നാണ് വിവരം. അജിത് പവാറും, അജിത് പവാറിന്റെ സഹായി പിങ്കി മാലി, സുരക്ഷാ ഉദ്യോഗസ്ഥന് വിധിപ് ജാദവ്, ക്യാപ്റ്റന് സുമിത്ത് കപൂര് (പൈലറ്റ് ഇന് കമാന്ഡ്), ക്യാപ്റ്റന് സംഭവി പതക് (ഫസ്റ്റ് ഓഫീസര്) എന്നിവരാണ് മരിച്ചത്. പ്രധാനമന്ത്രി നരേന്ദ്രമോദി അപകടത്തെ കുറിച്ചുള്ള വിവരങ്ങള് തേടി. പ്രധാനമന്ത്രിയും ആഭ്യന്തരമന്ത്രി അമിത് ഷായും മഹാരാഷ്ട്ര മുഖ്യമന്ത്രിയുമായി സംസാരിച്ചു. അപകട കാരണം കണ്ടെത്താന് ഡിജിസിഎ അന്വേഷണം തുടങ്ങി.
അജിത് പവാറിന്റെ അവസാന യാത്ര ലിയർജെറ്റ് 45 ല്
ലിയർജെറ്റ് 45 എന്ന ചെറു വിമാനത്തില് ആയിരുന്നു അജിത് പവാറിന്റെ അവസാന യാത്ര. ബോംബാർഡിയർ എയ്റോസ്പേസ് നിർമ്മിച്ച ലോകപ്രശസ്തമായ ബിസിനസ് ജെറ്റാണ് ഇന്ന് തകർന്ന ലിയർജെറ്റ് 45. ഇതിന്റെ പരമാവധി വേഗത ഏകദേശം മണിക്കൂറില് 860 കിലോമീറ്റർ ആണ്. ഏകദേശം 3,650 കിലോമീറ്റർ ഒറ്റയടിക്ക് പറക്കാൻ ഇതിന് സാധിക്കും. 51,000 അടി ഉയരത്തില് വരെ പറക്കാൻ ശേഷിയുണ്ട്. ഒൻപത് യാത്രക്കാർക്ക് സുഖകരമായി യാത്ര ചെയ്യാം. പരസ്പരം അഭിമുഖമായി വരുന്ന രീതിയിലാണ് സീറ്റിന്റെ ക്രമീകരണം. ലഗേജ് വെക്കാൻ പ്രത്യേക സ്ഥലം, ഫോള്ഡിംഗ് ടേബിളുകള്, ചെറിയ അടുക്കള, ടോയ്ലറ്റ് എന്നിവ വിമാനത്തിനുള്ളില് സജ്ജീകരിച്ചിട്ടുണ്ട്. രണ്ട് ടർബോഫാൻ എൻജിനുകളാണ് ഇതില് ഉപയോഗിക്കുന്നത്. 1995 ല് ആദ്യമായി പറന്ന ഈ വിമാനം 1998 മുതലാണ് വിപണിയിലെത്തിയത്. 2012 ല് ഇതിന്റെ ഉത്പാദനം നിർത്തി പകരം ‘ലിയർജെറ്റ് 75’ എന്ന കൂടുതല് ആധുനികമായ പതിപ്പ് പുറത്തിറക്കി. ലിയർജെറ്റ് 45 വിമാനങ്ങള്ക്ക് അന്താരാഷ്ട്ര വിപണിയില് ഏകദേശം 15 മുതല് 25 കോടി രൂപ വരെ വിലയുണ്ട്. ഇന്ത്യയില് ഈ വിമാനം വാടകയ്ക്ക് എടുക്കാൻ മണിക്കൂറിന് ഏകദേശം 3.5 ലക്ഷം രൂപ മുതല് 4 ലക്ഷം രൂപ വരെ ചെലവ് വരും. വേഗതയേറിയ യാത്ര ആഗ്രഹിക്കുന്ന ബിസിനസുകാർക്കും പ്രമുഖർക്കും ഏറ്റവും അനുയോജ്യമായ ഒന്നാണ് ലിയർജെറ്റ് 45. അനുശോചിച്ച് പ്രമുഖർ അജിത്ത് പവാറിന്റെ വിയോഗത്തില് പ്രധാനമന്ത്രി നരേന്ദ്രമോദി അടക്കമുള്ള അനുശോചിച്ചു. നങ്ങളുടേ നേതാവായിരുന്നു അജിത് പവാറെന്ന് മോദി എക്സില് കുറിച്ചു. കഠിനാധ്വാനിയായ നേതാവായിരുന്നു അജിത് പവാറെന്നും അപകട വിവരം ഞെട്ടിച്ചെന്നും മോദി കുറിച്ചു. അജിത്ത് പവാറിന്റെ വിയോഗം നികത്താൻ ആകാത്ത നഷ്ടമെന്ന് രാഷ്ട്രപതി ദ്രൗപദി മുർമു അനുശോചിച്ചു. അജിത്ത് പവാറിന്റെ വിയോഗം ഹൃദയഭേദകമെന്ന് ആഭ്യന്തരമന്ത്രി അമിത് ഷാ അനുശോചിച്ചു. മഹാരാഷ്ട്രയിലെ ജനങ്ങളുടെ ക്ഷേമത്തിനായി സ്വയം സമർപ്പിച്ച നേതാവായിരുന്നും അജിത്ത് പവാർ. വ്യക്തിപരമായും എൻഡിഎയ്ക്കും വലിയ നഷ്ടമാണ് ഉണ്ടായത്. എൻഡിഎ അജിത് പവാറിന്റെ കുടുംബത്തോടൊപ്പം നില്ക്കുന്നുവെന്നും അമിത് ഷാ എക്സില് കുറിച്ചു
