പ്രകൃതിവിരുദ്ധ പീഡനത്തിനിരയാക്കിയ കേസില് ഒളിവിലായിരുന്ന പ്രതികള് പിടിയില്
ബംഗ്ളൂരു :പക്ഷികളുടെ കൂടുകള് കാണിച്ചുകൊടുക്കാമെന്നു പറഞ്ഞു കൂട്ടിക്കൊണ്ടുപോയി കൗമാരക്കാരനെ പ്രകൃതിവിരുദ്ധ പീഡനത്തിനിരയാക്കിയ കേസില് ഒളിവിലായിരുന്ന പ്രതികള് പിടിയില്.കുറ്റകൃത്യം ചെയ്ത ശേഷം ഒളിവില്പോയ രണ്ടു പേരെ ബെംഗ്ലുരുവില്നിന്നു പൂന്തുറ പോലീസിന്റെ പ്രത്യേക അന്വേഷണ സംഘം അറസ്റ്റ് ചെയ്തു. മാണിക്യവിളാകം സ്വദേശികളായ അഷ്കര് (31), ഇയാളുടെ സുഹ്യത്ത് മുഹമ്മദ് റാസിക്(31) എന്നിവരെയാണ് അറസ്റ്റ് ചെയ്തത്.കഴിഞ്ഞ വര്ഷം നവംബറിലായിരുന്നു സംഭവം.പ്രതികളുമായി പരിചയമുളള 17കാരനെ പ്രാവുകളെ വളര്ത്തുന്ന കൂടുകള് കാണിച്ചുകൊടുക്കാമെന്നു പറഞ്ഞു പ്രലോഭിപ്പിച്ച ശേഷം ആളൊഴിഞ്ഞ സ്ഥലത്തെത്തിച്ച് ഇരുവരും ചേര്ന്നു പീഡിപ്പിക്കുകയായിരുന്നു.കുട്ടി വീട്ടുകാരെ അറിയിച്ചതിനെത്തുടര്ന്നു പൂന്തുറ പോലീസില് പരാതി നല്കി.ഇതോടെ പ്രതികള് ആദ്യം ചെന്നൈയിലേക്കും തുടര്ന്ന് ബംഗളൂരുവിലേക്കും കടക്കുകയായിരുന്നു. പിടിയിലായ ഇതേ പ്രതികള് ബീമാപളളി സ്വദേശിനിയുടെ വീട്ടില്ക്കയറി അക്രമം കാണിച്ച കേസിലും പ്രതികളാണെന്നു പൂന്തുറ പോലീസ് പറഞ്ഞു. പൂന്തുറ എസ്എച്ച്ഒ സജീവിന്റെ നേത്യത്വത്തില് എസ്ഐമാരായ വി.സുനില്, എസ്.എസ്. ശ്രീജേഷ്, എഎസ്ഐ ഗോഡ്വിന്, സിപിഒമാരായ രാജേഷ്, സനല്, അനീഷ് എന്നിവരുള്പ്പെട്ട പ്രത്യേക അന്വേഷണ സംഘമാണ് ഇരുവരെയും അറസ്റ്റ് ചെയ്തത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
