ദിലീപിനെ സംഘടനകളിലേക്ക് തിരിച്ചെടുക്കൽ: പ്രതിഷേധവുമായി രാജിവച്ച് ഭാഗ്യലക്ഷ്മി
തിരുവനന്തപുരം:ഫെഫ്കയിൽ നിന്ന് നടിയും ഡബ്ബിംഗ് ആർട്ടിസ്റ്റുമായ ഭാഗ്യലക്ഷ്മി രാജിവച്ചു. നടൻ ദിലീപിനെ സിനിമാ സംഘടനകളിലേക്ക് തിരിച്ചെടുക്കാനുള്ള നീക്കത്തിനെതിരെയാണ് രാജി സമർപ്പിച്ചത്.സംഘടനയുടെ നിലപാട് താൻ അംഗീകരിക്കാനാവില്ലെന്നും അതിനാൽ പദവി വിട്ടുവെക്കുന്നതായും ഭാഗ്യലക്ഷ്മി വ്യക്തമാക്കി.ദിലീപിനെതിരെ കേസുകൾ ഇപ്പോഴും നീങ്ങിക്കൊണ്ടിരിക്കുന്ന സാഹചര്യത്തിൽ ഇത്തരമൊരു നടപടിയെടുക്കാൻ സംഘടന ശ്രമിക്കുന്നതിനെതിരെ സിനിമാ മേഖലയിലെ വിവിധ വൃത്തങ്ങളിൽ പ്രതിഷേധം തുടരുന്നുണ്ട്.ഭാഗ്യലക്ഷ്മിയുടെ രാജി തീരുമാനം ഫെഫ്കയിലെ ആഭ്യന്തര ചർച്ചകൾക്ക് പുതിയ തിരിവേകുമെന്നാണ് വിലയിരുത്തൽ.