അന്താരാഷ്ട്ര ‘സൈബർ അടിമത്ത’ റാക്കറ്റിൽ പങ്കാളിയായ യുവതി അറസ്റ്റിൽ
വഡോദര: വിദേശത്ത് ലാഭകരമായ ജോലി വാഗ്ദാനം ചെയ്ത് യുവാക്കളെ കുടുക്കുന്ന അന്താരാഷ്ട്ര ‘സൈബർ അടിമത്ത’ റാക്കറ്റിൽ പങ്കാളിയായിരുന്ന പായൽ ചൗഹാൻ എന്ന യുവതിയെ ഗുജറാത്ത് പോലീസിന്റെ സൈബർ സെന്റർ ഓഫ് എക്സലൻസ് അറസ്റ്റ് ചെയ്തു.സബ് ഏജന്റായി പ്രവർത്തിച്ച പായൽ ചൗഹാൻ, സോഷ്യൽ മീഡിയയിലൂടെ ഗുജറാത്തിലെ യുവാക്കളെ സമീപിച്ചതിന് ശേഷം വ്യാജ ജോലി വാഗ്ദാനങ്ങളിലൂടെ മനുഷ്യക്കടത്ത് വലയത്തിലേക്ക് കൊണ്ടുപോകുകയായിരുന്നു.മൂന്ന് ലക്ഷം വരെ കമ്മീഷൻ ലഭിച്ചിരുന്നുവഡോദരയിലെ ഒരു സ്വകാര്യ സർവകലാശാലയിൽ നിന്ന് എഞ്ചിനീയറിംഗ് ഡിപ്ലോമ നേടിയ പ്രതിക്ക്, വിദേശത്തേക്ക് കടത്തിയ ഓരോ വ്യക്തിക്കും ₹3 ലക്ഷം വരെ കമ്മീഷൻ ലഭിച്ചിരുന്നുവെന്ന് പോലീസിന്റെ കണ്ടെത്തൽ.സൈബർ കുറ്റകൃത്യങ്ങളുടെ കേന്ദ്രബിന്ദുവിൽമനുഷ്യക്കടത്തിന് പുറമേ, പ്രതി വിവിധ സൈബർ തട്ടിപ്പ് പ്രവർത്തനങ്ങളിലും സജീവമായിരുന്നു. അതിൽ പ്രധാനപ്പെട്ടവ:യുഎസിഡിടി, ക്രിപ്റ്റോ അക്കൗണ്ടുകൾ നൽകൽനിയമവിരുദ്ധ വാതുവെപ്പ് ശൃംഖലകൾക്ക് മാസ്റ്റർ ഗെയിമിംഗ് ഐഡികൾ വിതരണം ചെയ്യൽവ്യാജ ഇടപാടുകൾക്ക് സഹായം ചെയ്യൽപാസ്പോർട്ടുകളും ഡിജിറ്റൽ തെളിവുകളും പരിശോധുന്നുപ്രതിയുടെ ഫോണിൽ നിന്ന് കണ്ടെത്തിയ പാസ്പോർട്ട് സീരിയൽ നമ്പറുകളുടെ ഉടമകളെ കണ്ടെത്താനുള്ള ശ്രമം പുരോഗമിക്കുകയാണ്. അവരിൽ ചിലർ തട്ടിപ്പിന് ഇരകളാകാനിടയുണ്ടെന്നും, ചിലർ നെറ്റ്വർക്കിന്റെ ഭാഗമായിരിക്കാനുമാണ് സാധ്യതയെന്ന് സിഐഡി (സൈബർ ക്രൈം) ഓഫീസർ വിവേക് ഭേദ വ്യക്തമാക്കി.പൊലീസ് അന്വേഷണ സംഘം റാക്കറ്റിന്റെ അന്താരാഷ്ട്ര ബന്ധങ്ങളും സാമ്പത്തിക ഇടപാടുകളും പരിശോധിച്ചു വരുന്നു.
റിപ്പോർട്ട് gnmnews
