ചേർത്തല നഗരത്തിലെ ഹോട്ടലിൽ ആക്രമണം; പ്രതികൾ പോലീസ് പിടിയിൽ

ആലപ്പുഴ :ചേർത്തല നഗരമധ്യത്തിലെ ഒരു ഹോട്ടലിൽ നടന്ന അക്രമ സംഭവത്തിൽ ഉൾപ്പെട്ട രണ്ടുപേരെ ചേർത്തല പോലീസ് അറസ്റ്റ് ചെയ്തു.ചേർത്തല പരിധിയിലെ വിവിധ പോലീസ് സ്റ്റേഷനുകളിൽ നിരവധി കേസുകളിൽ ഉൾപ്പെട്ടിട്ടുള്ള കാപ്പാ കേസിലെ പ്രതികളെയാണ് പോലീസ് പിടികൂടിയത്.അറസ്റ്റിലായവർ ചേർത്തല മുനിസിപ്പാലിറ്റി വാർഡ് 8-ൽ കൂമ്പായിൽ വീട്ടിൽ അഭിറാം (30), അതേ വാർഡിൽ ചിറ്റേഴുത്ത് വീട്ടിൽ ദീപേഷ് ദീപു (23) എന്നിവരാണ്.ആലപ്പുഴ ജില്ലയിൽ നിന്ന് കാപ്പാ ഉത്തരവിന്റെ അടിസ്ഥാനത്തിൽ നാടുകടത്തിയിരുന്ന പ്രതികൾ ഉത്തരവിന്റെ കാലയളവ് അവസാനിച്ചതിനെ തുടർന്ന് തിരികെയെത്തി ദിവസങ്ങൾക്കുള്ളിൽ തന്നെ നഗരത്തിൽ അക്രമസംഭവങ്ങൾ അഴിച്ചുവിട്ടെന്നാണ് പോലീസ് വിവരം.ചേർത്തല ഇൻസ്പെക്ടർ ലൈസാദ് മുഹമ്മദിന്റെ നേതൃത്വത്തിലുള്ള പോലീസ് സംഘം നടത്തിയ അന്വേഷണത്തിലാണ് ഇവരെ പിടികൂടിയത്.കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.