പീച്ചി ഡാം 23ന് തുറക്കും; മണലി, കരുവന്നൂര് പുഴകളുടെ തീരത്തുള്ളവര്ക്ക് ജാഗ്രത നിർദേശം
ഇരിങ്ങാലക്കുട : പീച്ചി ഡാമിന്റെ വൃഷ്ടി പ്രദേശങ്ങളില് വരുംദിവസങ്ങളില് ശക്തമായ മഴയ്ക്ക് സാധ്യതയുണ്ടെന്ന ഐ.എം.ഡി. മുന്നറിയിപ്പിന്റെ പശ്ചാത്തലത്തില് ഡാമിലെ ജലനിരപ്പ് നിയന്ത്രിക്കുന്നതിനായി വ്യാഴാഴ്ച (ഒക്ടോബര് 23) രാവിലെ 9 മണി മുതല് വെള്ളം തുറന്നുവിടുന്നതാണെന്ന് പീച്ചി ഹെഡ് വര്ക്ക്സ് സബ് ഡിവിഷന് അസിസ്റ്റന്റ് എക്സിക്യൂട്ടീവ് എഞ്ചിനീയര് അറിയിച്ചു.കെ.എസ്.ഇ.ബി. ചെറുകിട വൈദ്യുതി ഉത്പാദനനിലയം വഴിയും റിവര് സ്ലൂയിസ് വഴിയുമാണ് വെള്ളം തുറന്നു വിടുന്നത്. ഇതിനാല് മണലി, കരുവന്നൂര് പുഴകളില് നിലവിലെ ജലനിരപ്പില് നിന്നും പരമാവധി 20 സെന്റീമീറ്റര് വരെ ജലനിരപ്പ് ഉയരാന് സാധ്യതയുള്ളതിനാല് പുഴകളുടെ തീരത്ത് താമസിക്കുന്നവരും പുഴയോരത്ത് ജോലിയെടുക്കുന്നവരും കര്ശ്ശനമായ ജാഗ്രത പുലര്ത്തണം എന്ന് മുന്നറിയിപ്പുണ്ട്.
