നെഹ്റുട്രോഫി ഭാഗ്യ ചിഹ്നത്തിന് പേരുകൾ ക്ഷണിച്ചു
71-ാമത് നെഹ്റു ട്രോഫി ജലോത്സവത്തിന്റെ ഭാഗ്യചിഹ്നത്തിന് പേരുകള് ക്ഷണിച്ചു. ഭാഗ്യചിഹ്നമായി തിരഞ്ഞെടുക്കപ്പെട്ടിട്ടുള്ള കളിവള്ളം തുഴഞ്ഞു നീങ്ങുന്ന കാക്കത്തമ്പുരാട്ടിക്കാണ് പേര് നിര്ദേശിക്കേണ്ടത്. പോസ്റ്റ് കാര്ഡില് തപാലായാണ് എന്ട്രികള് അയക്കേണ്ടത്. ഒരു വ്യക്തി ഒരു എന്ട്രി മാത്രമേ നല്കാന് പാടുള്ളൂ. ഭാഗ്യചിഹ്നത്തിന് നിര്ദേശിക്കുന്ന പേര്, നിര്ദേശിക്കുന്നയാളുടെ പേര്, വിലാസം, ഫോണ് നമ്പര് എന്നിവ പോസ്റ്റ് കാര്ഡില് എഴുതി കണ്വീനര്, നെഹ്റു ട്രോഫി പബ്ലിസിറ്റി കമ്മിറ്റി, ജില്ല ഇന്ഫര്മേഷന് ഓഫീസ്, സിവില് സ്റ്റേഷന്, ആലപ്പുഴ- 688001 എന്ന വിലാസത്തിലാണ് എന്ട്രികള് അയക്കേണ്ടത്. എന്ട്രികള് ലഭിക്കേണ്ട അവസാന തീയതി ആഗസ്റ്റ് 18-ന് വൈകുന്നേരം അഞ്ചുമണി. വിജയിക്ക് സ്വര്ണനാണയം സമ്മാനമായി ലഭിക്കും. ഫോണ്: 0477-2251349.
റിപ്പോർട്ട് അനീഷ് ചുനക്കര
