കെ എസ് ആർ ടി സി ബസ്സിലെ നഗ്നത പ്രദർശനം : പ്രതി അറസ്റ്റിൽ

.കൊല്ലം : കെ എസ് ആർ ടി സി ബസ്സിൽ യാത്രക്കാരിയോട് അപമാനകരമായി പെരുമാറിയ മൈലക്കാട് സ്വദേശി സുനിൽകുമാറിനെ (38) പൊലീസ് അറസ്റ്റ് ചെയ്തു. തിങ്കളാഴ്ച രാത്രി കൊട്ടിയത്ത് നിന്ന് കൊല്ലത്തേക്ക് സഞ്ചരിച്ച ഫാസ്റ്റ് പാസഞ്ചർ ബസ്സിൽ മാവേലിക്കരയിലേക്ക് യാത്ര ചെയ്യുകയായിരുന്ന യുവതിക്കാണ് ദുരനുഭവം നേരിടേണ്ടി വന്നത്. ഇത്തിക്കര പാലത്തിന് സമീപം വെച്ചാണ് പ്രതിയെ പൊലീസ് കസ്റ്റഡിയിലെടുത്തത്.മേവറം കഴിഞ്ഞപ്പോൾ അടുത്ത സീറ്റിൽ ഇരുന്ന സുനിൽകുമാർ ലൈംഗിക വൈകൃതം നിറഞ്ഞ പെരുമാറ്റം കാണിച്ചതായി യുവതി പരാതിയിൽ പറഞ്ഞു. ബസ്സിൽ യാത്രക്കാർ കുറവായിരുന്ന സമയത്താണ് സംഭവം. യുവതി സമയോചിതമായി പ്രതിയുടെ പ്രവൃത്തി വീഡിയോയിൽ പകർത്തി, ഇത് പൊലീസിന് തെളിവായി നൽകി. വീഡിയോയിൽ പ്രതിയുടെ അപമാനകരമായ പെരുമാറ്റം വ്യക്തമായി രേഖപ്പെടുത്തിയിട്ടുണ്ട്.പരാതിയുടെ അടിസ്ഥാനത്തിൽ കൊല്ലം പൊലീസ് കേസ് രജിസ്റ്റർ ചെയ്യുകയും സുനിൽകുമാറിനെ അറസ്റ്റ് ചെയ്യുകയും ചെയ്തു.