ഷാരോൺ കേസിലെ പ്രതിക്ക് വധശിക്ഷ വിധിച്ചെങ്കിലും ; ഗ്രീഷ്മയെ തൂക്കി കൊല്ലാൻ സാധിക്കില്ല ; വിചാരണകോടതി വിധി ആൽക്കൂട്ടത്തിന്റെ കയ്യടിക്ക്❓അഡ്വ :ശ്രീജിത്ത് പെരുമന
ഷാരോൺ കേസിലെ പ്രതിക്ക് വധശിക്ഷ വിധിച്ചെങ്കിലും ; ഗ്രീഷ്മയെ തൂക്കി കൊല്ലാൻ സാധിക്കില്ല ; വിചാരണകോടതി വിധി ആൽക്കൂട്ടത്തിന്റെ കയ്യടിക്ക് എന്ന് അഡ്വ ശ്രീജിത്ത് പെരുമന.വിവാദമായ പാറശാല ഷാരോൺ വധക്കേസിൽ വിധി വന്ന ദിവസമാണിന്ന്‌. വിധിയിൽ കേരളം വളരെ സന്തോഷത്തിലുമാണ്. എന്നാൽ ഈ വിധി പ്രതിക്ക് അനുകൂലമോ? അത് ചിന്തിപ്പിക്കുന്ന ഒരു കാര്യമാണ് വിധിക്കുശേഷം അഡ്വ ശ്രീജിത്ത് പെരുമനയുടെ ഈ ഫേസ്ബുക് പോസ്റ്റ്..
തന്റെ ഫേസ്ബുക്കിലൂടെയാണ് അദ്ദേഹം ഇക്കാര്യം വ്യക്തമാക്കിയത് പോസ്റ്റിന്റെ പൂർണ്ണരൂപം ഇങ്ങനെ
ഷാരോൺ കേസിലെ പ്രതിക്ക് വധശിക്ഷ വിധിച്ചെങ്കിലും ; ഗ്രീഷ്മയെ തൂക്കി കൊല്ലാൻ സാധിക്കില്ല ; വിചാരണകോടതി വിധി ആൾക്കൂട്ടത്തിന്റെ കയ്യടിക്ക്❓ഏറ്റവും ആദ്യത്തെ അപ്പീൽ കോടതിയിൽത്തന്നെ ദുർബലപ്പെടുമെന്ന് ഉറപ്പുള്ള വിധിയാണ് ഷാരോൺ കേസിൽ വിചാരണ കോടതി പുറപ്പെടുവിച്ചത് എന്നതിൽ അങ്ങേയറ്റം വിയോജിപ്പുണ്ട്. വിഷം നൽകി കൊലപാതകം നടത്തുന്നത് അത് സ്നേഹത്തിന്റെ പേരിലാണ് എന്നതിന്നാലോ, ആന്തരികവയവങ്ങൾ പൊള്ളിപ്പോയി എന്നതിന്നാലോ അതൊരു അപൂർവ്വങ്ങളിൽ അപൂർവ്വ കേസ് ആകില്ല എന്ന് കോടതി വരാന്തയിലെങ്കിലും മഴയത്ത് കയറിനിന്നിട്ടുള്ള ആർക്കും മനസിലാകും.അക്ഷരാർത്ഥത്തിൽ ഈ വധശിക്ഷ വിധിയിലൂടെ ഏറ്റവും ഗുണം ലഭിക്കാൻ പോകുന്നത് പ്രതി ഗ്രീഷ്മക്കാണ്. ഹൈകോടതി ആദ്യ പരിഗണനയിൽത്തന്നെ വധശിക്ഷ സ്റ്റേ ചെയ്യും പിന്നീട് ജീവപര്യന്തം എന്നതിലേക്ക് വന്നാലും സുപ്രീംകോടതിയിൽ അതിലേറെ ദുർബലപ്പെടും എന്നതിൽ സംശയം വേണ്ട. കാരണം എല്ലാ സുപ്രീംകോടതി മാർഗ്ഗനിർദേശങ്ങളെയും ഈ കേസിൽ വിചാരണ കോടതി കാറ്റിൽ പറത്തിയിട്ടുണ്ട്.അതേസമയം ജീവപര്യന്തമായിരുന്നു നൽകിയിരുന്നത് എങ്കിൽ എല്ലാ മേൽക്കോടതികളും അത് ശരിവെക്കാനുള്ള സാധ്യതയുമുണ്ടായിരുന്നു.പൊതുബോധത്തെ തൃപ്തിപ്പെടുത്താൻ നടത്തുന്ന #വധശിക്ഷ എന്ന സ്റ്റേറ്റ് സ്പോൺസർഡ് കൊലപാതകം നീതിയല്ല.ക്രൂരമായ കൊലപാതകം നടന്ന് പഴുതടച്ച അന്വേഷണം നടത്തി വിചാരണ പൂർത്തിയാക്കിയ പോലീസിനും, പ്രോസിക്കുഷനും അഭിനന്ദനങൾ അറിയിക്കുമ്പോഴും പറയാതെ വയ്യ, വധശിക്ഷ പ്രകൃതമാണ്❗️വികാരങ്ങളല്ല, വിവേകമാണ് നയിക്കേണ്ടത്. പൗരാവകാശങ്ങൾക്ക് വേണ്ടി , ഭരണഘടനയ്ക്ക് വേണ്ടി പോരാടുന്നവർ പ്രത്യേകിച്ചു യാതൊരു ശാസ്ത്രീയ, സ്റ്റാറ്റിറ്റിക്കൽ അടിസ്ഥാനവുമില്ലാത്ത ഈ പ്രാകൃത സ്റ്റേറ്റ് സ്‌പോൺസേർഡ് കൊലപാതകത്തെ തള്ളിപ്പറയണം.what says the law ? Do not kill, How can it say by Killing ? “കൊല്ലരുത് ” എന്നാണ് നിയമം പറയുന്നത്. കൊന്നുകൊണ്ട് എങ്ങനെ ആ നിയമത്തിന് പറയാനാകും “കൊല്ലരുതെന്ന് “?”വധശിക്ഷ” കുറ്റ കൃത്യങ്ങൾ കുറയ്ക്കില്ല; എന്ന പരമോന്നത കോടതിയുടെ വിധിയും ഇതോടൊപ്പം ചേർത്ത് വായിക്കാം വധശിക്ഷ കുറ്റകൃത്യങ്ങൾ ഉണ്ടാകുന്നത് തടയുമെന്ന് യാതൊരുശാസ്ത്രീയമോ അല്ലാത്തതോ ആയ തെളിവുകളോ കണക്കുകളോ ഇല്ലെന്ന് സുപ്രീംകോടതിയുടെ സുപ്രധാന വിധിയുണ്ട്. വധശിക്ഷയ്ക്ക് വിധിച്ച പ്രതിയുടെ ശിക്ഷ 30 വർഷത്തെ തടവ് ശിക്ഷയാക്കി കുറച്ചുകൊണ്ടാണ് കോടതി ഇക്കാര്യം വ്യക്തമാക്കിയത്.കുറ്റവാളികൾക്ക് വധശിക്ഷ നൽകുന്നതിലൂടെ മറ്റുള്ളവർ ഭാവിയിൽ കുറ്റകൃത്യങ്ങളിൽ ഏർപ്പെടുന്നതിൽ നിന്നും തടയുകയോ, തടയാതിരിക്കുകയോ ചെയ്യാം. എന്നാൽ വധ ശിക്ഷ നൽകുന്നതിലൂടെ സമൂഹത്തിലെ കുറ്റകൃത്യങ്ങൾ കുറയുമെന്ന് തെളിയിക്കുന്ന യാതൊരു രേഖകളും, തെളിവുകളും, സ്ഥിതിവിവര കണക്കുകളും ലഭ്യമല്ലെന്നും കോടതി വ്യക്തമാക്കിയിട്ടുണ്ട്.STOP DEATH PENALTYവധശിക്ഷ നിരോധിക്കുക.അഡ്വ ശ്രീജിത്ത് പെരുമന
