പി പി ദിവ്യയെ 14 ദിവസത്തേക്ക് റിമാൻഡ് ചെയ്തു
ദിവ്യയെ പള്ളിക്കുന്ന് വനിതാ ജയിലിൽ പ്രവേശിപ്പിച്ചു
റിപ്പോർട്ട്‌ ജലജ ജയേഷ്
എഡിഎം നവീൻ ബാബുവിൻ്റെ ആത്മഹത്യയുമായി ബന്ധപ്പെട്ട് പൊലീസ് കസ്റ്റഡിയിലായിരുന്ന പി.പി. ദിവ്യയെ റിമാൻഡ് ചെയ്തു. 14 ദിവസത്തേക്കാണ് ദിവ്യയെ കോടതി റിമാൻഡ് ചെയ്തിട്ടുള്ളത്. തുടർന്ന് ദിവ്യയെ പള്ളിക്കുന്ന് വനിതാ ജയിലിൽ പ്രവേശിപ്പിച്ചു. കേസിൽ ദിവ്യ നാളെ ജാമ്യാപേക്ഷ സമർപ്പിക്കുമെന്നാണ് വിവരം. എന്നാൽ, ദിവ്യയുടെ ജാമ്യഹർജിയെ എഡിഎം നവീൻബാബുവിൻ്റെ കുടുംബം എതിർക്കുമെന്നും കേസിൽ നവീൻ ബാബുവിൻ്റെ ഭാര്യ കക്ഷി ചേരുമെന്നും റിപ്പോർട്ടുകളുണ്ട്. കേസിൽ ദിവ്യയുടെ മുൻകൂർ ജാമ്യഹർജി തലശ്ശേരി പ്രിൻസിപ്പൽ സെഷൻസ് കോടതിയാണ് തള്ളിയത്.തുടർന്നാണ് ദിവ്യയെ കസ്റ്റഡിയിലെടുത്തതായി സിറ്റി പൊലീസ് കമ്മീഷണർ അജിത് കുമാർ അറിയിച്ചത്. അതേസമയം, വിഷയത്തിൽ സിപിഐഎമ്മിന് ഒറ്റ നിലപാടേ ഉള്ളൂവെന്ന് സിപിഐഎം പത്തനംതിട്ട ജില്ലാ സെക്രട്ടറി കെ.പി. ഉദയഭാനു പ്രതികരിച്ചു.
