വി ഡി സതീശന് അനുകൂല പ്രകടനംനാല് നേതാക്കൾക്കെതിരെ കോൺഗ്രസ് നടപടി:അനുകൂലികൾക്കെതിരെ ഇടുക്കി ഡിസിസി രംഗത്ത്
ഇടുക്കി: കോണ്ഗ്രസില് മുഖ്യമന്ത്രി പദത്തിനായി നേതാക്കള് പോര് തുടരുന്നതിനിടെ വി ഡി സതീശന് അനുകൂലമായി പ്രകടനം നടന്നതിയ സംഭവത്തില് നടപടിയുമായി ഇടുക്കി ഡിസിസി. സംഘടന വിരുദ്ധ പ്രവർത്തനങ്ങൾ നടത്തിയതിന് നാല് പേർക്കെതിരെയാണ് ഇടുക്കി ഡിസിസി നടപടിസ്വീകരിച്ചത്. ഡിസിസി ജനറൽ സെക്രട്ടറി വി. ഇ താജുദ്ദീൻ, വെസ്റ്റ് മണ്ഡലം പ്രസിഡന്റ് സുരേഷ് ബാബു, കർഷക തൊഴിലാളി ഫെഡറേഷന് സംസ്ഥാന സെക്രട്ടറി ജോയ് മൈലാടി, തൊടുപുഴ ബ്ലോക്ക് സെക്രട്ടറി റോബിൻ മൈലാടി എന്നിവരെ പദവികളിൽ നിന്ന് നീക്കം ചെയ്തതായി ഡിസിസി പ്രസിഡണ്ട് സി.പി. മാത്യു അറിയിച്ചു. ഹൈക്കമാൻഡ് നിർദേശം ലംഘിച്ച് പരസ്യമായി പ്രകടനം നടത്തിയതിനെതിരെയാണ് നടപടി.
