യുദ്ധം അവസാനിക്കും- ഓഹരി വിപണിയിൽ വൻ കുതിപ്പ്

ഇറാനുമായുള്ള യുദ്ധം അവസാനിപ്പിക്കുന്നത് സംബന്ധിച്ച് അമേരിക്ക ചര്‍ച്ചകള്‍ നടത്തിയെന്ന പ്രസിഡന്റ് ഡൊണാള്‍ഡ് ട്രംപിന്റെ പ്രസ്താവനയെത്തുടര്‍ന്ന് ആഗോള സാമ്പത്തിക വിപണിയില്‍ ആശ്വാസ തരംഗം. യുദ്ധഭീതിയില്‍ തകര്‍ന്നടിഞ്ഞ വിപണികള്‍ തിങ്കളാഴ്ച ഉണര്‍വ് പ്രകടിപ്പിച്ചു. ക്രൂഡ് ഓയില്‍ വിലയില്‍ ഇടിവുണ്ടായപ്പോള്‍ വാള്‍സ്ട്രീറ്റിലെ ഓഹരി സൂചികകള്‍ നേട്ടമുണ്ടാക്കി.ബ്രെന്റ് ക്രൂഡ് വില 10.5% ഇടിഞ്ഞ് ബാരലിന് 100.46 ഡോളറിലെത്തി. കഴിഞ്ഞ ആഴ്ച ഇത് 120 ഡോളര്‍ വരെ ഉയര്‍ന്നിരുന്നു. യുഎസ് ക്രൂഡ് ഓയില്‍ വിലയും 90.41 ഡോളറിലേക്ക് താഴ്ന്നു.എസ് ആന്‍ഡ് പി 500 സൂചിക 1.3% ഉയര്‍ന്നു. ഡൗ ജോണ്‍സ് ഇന്‍ഡസ്ട്രിയല്‍ ആവറേജ് 704 പോയിന്റ് (1.5%) നേട്ടമുണ്ടാക്കി. നാസ്ഡാക് കോമ്പോസിറ്റ് 1.3% വര്‍ദ്ധിച്ചു.ഫ്രാന്‍സിലെ സിഎസി 40 1.8 ശതമാനവും ജര്‍മ്മനിയിലെ ഡാക്‌സ് 2.2 ശതമാനവും ഉയര്‍ന്നു. എന്നാല്‍ ട്രംപിന്റെ പ്രഖ്യാപനത്തിന് മുന്‍പ് വ്യാപാരം അവസാനിച്ച ഏഷ്യന്‍ വിപണികളില്‍ (ജപ്പാന്‍, ദക്ഷിണ കൊറിയ, ഹോങ്കോംഗ്) വലിയ ഇടിവ് രേഖപ്പെടുത്തിയിരുന്നു