പാചകവാതക ബുക്കിങ്ങിന് നിയന്ത്രണം; സിലിണ്ടര് ബുക്ക് ചെയ്യാന് 21 ദിവസത്തെ ഇടവേള
തിരുവനന്തപുരം : സംസ്ഥാനത്ത് പാചകവാതക സിലിണ്ടര് ബുക്കിങ്ങിന് നിയന്ത്രണം. ഒരു സിലിണ്ടര് മാത്രമുള്ള ഉപഭോക്താവിന് 21 ദിവസത്തിനു ശേഷമേ ബുക്ക് ചെയ്യാന് കഴിയുകയുള്ളൂ. ഇതുവരെ 17 ദിവസം കഴിഞ്ഞാല് ബുക്ക് ചെയ്യാന് സാധിക്കുമായിരുന്നു. രണ്ട് സിലിണ്ടര് ഉള്ളവര്ക്ക് ഇനി 30 ദിവസത്തിനു ശേഷമേ ബുക്ക് ചെയ്യാന് കഴിയൂ.ഗ്യാസ് സിലിണ്ടറുകളുടെ വിതരണം തടസപ്പെടാനുള്ള സാധ്യതയുമുണ്ട്. പശ്ചിമേഷ്യയിലെ യുദ്ധത്തിന്റെ പശ്ചാത്തലത്തില് ഊര്ജവിതരണ ശൃംഖലയിലെ തടസവും കപ്പല് സര്വീസുകളുടെ കുറവുമാണ് പാചകവാതക ക്ഷാമത്തിന് ഇടയാക്കുന്നത്. സിലിണ്ടര് വിതരണം പരിമിതപ്പെടുത്താന് കേന്ദ്ര സര്ക്കാര് നിര്ദേശം നല്കിയതായി ഗ്യാസ് ഏജന്സികള് പറയുന്നു.
