ഓഡിറ്റ് റിപ്പോര്ട്ടിലെ പിഴവുകള് തിരുത്തി പുതിയ റിപ്പോര്ട്ട് ഉടന് കോടതിയില് സമര്പ്പിക്കുമെന്ന് ദേവസ്വം ബോര്ഡ് പ്രസിഡന്റ് കെ ജയകുമാര്.
ആഗോള അയ്യപ്പ സംഗമവുമായി ബന്ധപ്പെട്ട ഓഡിറ്റ് റിപ്പോര്ട്ടിലെ പിഴവുകള് തിരുത്തി പുതിയ റിപ്പോര്ട്ട് ഉടന് കോടതിയില് സമര്പ്പിക്കുമെന്ന് ദേവസ്വം ബോര്ഡ് പ്രസിഡന്റ് കെ ജയകുമാര്. ഓഡിറ്റ് റിപ്പോര്ട്ട് അന്തിമമല്ലെന്നും റിപ്പോര്ട്ടില് കൂടുതല് കൃത്യത വരാനുണ്ടെന്നും അദ്ദേഹം പറഞ്ഞു. ഓഡിറ്റ് റിപ്പോര്ട്ടിലെ പല പരാമര്ശങ്ങള്ക്കും കാരണം ഓഡിറ്ററുടെ പിഴവല്ലെന്നും, ബോര്ഡിന്റെ ഭാഗത്ത് നിന്നുണ്ടായ വീഴ്ചയാണെന്നും ദേവസ്വം ബോര്ഡ് സമ്മതിച്ചു.ഓഡിറ്ററുമായി കൃത്യമായ ആശയവിനിമയം നടന്നില്ല. പത്ത് ദിവസത്തിനകം വ്യക്തത വരുത്തി ഓഡിറ്ററെ അറിയിക്കും. ഓഡിറ്ററുടെ കുറ്റമാണെന്ന് പറയാന് കഴിയില്ല. പക്ഷെ വസ്തുതാപരമായ പിശകുകള് ഉണ്ടായിട്ടുണ്ട്. ബില്ലുകള് ഫിസിക്കലായി വെരിഫൈ ചെയ്യുന്നതിലും അസറ്റ് രജിസ്റ്ററില് വിവരങ്ങള് രേഖപ്പെടുത്തി വാലിഡേറ്റ് ചെയ്യുന്നതിലും ഉണ്ടായ കാലതാമസമാണ് റിപ്പോര്ട്ടില് തെറ്റായ വിവരങ്ങള് കടന്നുകൂടാന് കാരണമായത്’, ദേവസ്വം ബോര്ഡ് വ്യക്തമാക്കി. പരിപാടിയില് പങ്കെടുക്കാത്ത നന്ദഗോവിന്ദം ഭജന്സിന് ലക്ഷക്കണക്കിന് രൂപ നല്കിയതായുള്ള കണക്കുകള് തെറ്റായ രേഖകകളുടെ അടിസ്ഥാനത്തില് വന്നതാണ്. ലഭ്യമായ മെറ്റീരിയലുകള് വെച്ച് ഓഡിറ്റര് തയ്യാറാക്കിയ റിപ്പോര്ട്ടിലെ ഇത്തരം അപാകതകള് ടാസ്ക് ഫോഴ്സ് വിശദമായി പഠിക്കുമെന്നും ദേവസ്വം ബോര്ഡ് വ്യക്തമാക്കി.
