സി.ജെ റോയിയുടെ മരണം: അന്വേഷണം കര്ണാടക സിഐഡിക്ക്; സംസ്കാരം ആഗ്രഹപ്രകാരം ബന്നാര്ഘട്ടില്
സി.ജെ റോയിയുടെ മരണം: അന്വേഷണം കര്ണാടക സിഐഡിക്ക്; സംസ്കാരം ആഗ്രഹപ്രകാരം ബന്നാര്ഘട്ടില്
ബെംഗളൂരുവില് കോണ്ഫിഡന്റ് ഗ്രൂപ്പ് ഉടമ സി.ജെ റോയി ജീവനൊടുക്കിയതില് അന്വേഷണം കര്ണാടക സിഐഡിക്ക്. നാളെ വൈകിട്ട് നാലിന് ബന്നാര്ഘട്ടില് ആണ് സംസ്കാരം. റോയിയുടെ ഉടമസ്ഥതയിലുള്ള നേച്ചര് കോണ്ഫിഡന്റ് കാസ്കേഡിലാണ് സംസ്കാരം നടക്കുക. രാവിലെ എട്ട് മുതല് രണ്ട് മണിവരെ പൊതുദര്ശനം നടത്തും. ബന്നാര്ഘട്ടില് സംസ്കരിക്കണമെന്നതായിരുന്നു റോയിയുടെ ആഗ്രഹം. റിയല് എസ്റ്റേറ്റ് മേഖലയില് അടക്കം വിപുലമായ പരിശോധന നടത്തേണ്ടതിനാലാണ് അന്വേഷണം സിഐഡിക്ക് കൈമാറിയത്. റോയിയുടെ മരണത്തില് വിശദമായ അന്വേഷണം വേണമെന്ന് കുടുംബം ആവശ്യപ്പെട്ടിരുന്നു. അഞ്ച് പേജുള്ള പരാതിയാണ് കോണ്ഫിഡന്റ് ഗ്രൂപ്പ് ഡയറക്ടര് ടി.ജെ ജോസഫ് നല്കിയത്. റോയ് ഓഫീസില് എത്തിയത് തനിക്കൊപ്പമാണെന്ന് ടി.ജെ ജോസഫ് പ്രതികരിച്ചു. ആദായ നികുതി വകുപ്പ് ഉദ്യോഗസ്ഥന് ചോദ്യം ചെയ്തതിന് പിന്നാലെ സ്വന്തം മുറിയിലേക്ക് പോവുകയായിരുന്നു റോയി. വാതില് കുറ്റിയിട്ടതിന് ശേഷമാണ് സ്വയം വെടിയുതിര്ത്തത്. ആരെയും അകത്തേക്ക് കയറ്റി വിടരുതെന്ന് സുരക്ഷാ ഉദ്യോഗസ്ഥര്ക്ക് നിര്ദേശം നല്കിയിരുന്നുവെന്നും ജോസഫ് പറഞ്ഞു. സി.ജെ റോയിയുടെ ബാങ്ക് ഇടപാട് വിവരങ്ങള് അന്വേഷണസംഘം ശേഖരിച്ചിട്ടുണ്ട്. ബാധ്യതകള് ഉണ്ടോയെന്ന് പരിശോധിക്കും. റോയിയുടെ മൊബൈല് ഫോണും പരിശോധിക്കും.
