മുഖ്യമന്ത്രിക്കും, പൊലീസ് കമ്മീഷണര്ക്കും പരാതി നല്കി
ദീപകിന്റെ കുടുംബം മുഖ്യമന്ത്രിക്കും പൊലീസ് കമ്മീഷണര്ക്കും പരാതി നല്കി, യുവതിക്കെതിരെ കൊലക്കുറ്റം ചുമത്തണമെന്നും ആവശ്യംസ്വകാര്യ ബസിൽ വച്ച് ലൈംഗികാതിക്രമം നടത്തിയെന്ന യുവതിയുടെ ആരോപണം സമുഹമാധ്യമത്തിൽ പ്രചരിച്ചതിന് പിന്നാലെ ഗോവിന്ദപുരം സ്വദേശി ദീപക് ജീവനൊടുക്കിയ സംഭവത്തില് പരാതി നല്കി ബന്ധുക്കൾ. യുവതിക്ക് എതിരെ കൊലക്കുറ്റം ചുമത്തണം എന്നാണ് ബന്ധുക്കൾ ആവശ്യപ്പെടുന്നത്. സ്വകാര്യ ബസിലെ ദൃശ്യങ്ങള് പോസ്റ്റ് ചെയ്ത് യുവതി വ്യാജ ആരോപണം ഉന്നയിച്ചെന്ന് കാട്ടിയാണ് മുഖ്യമന്ത്രിക്കുള്പ്പെടെ കുടുംബം പരാതി നല്കിയത്. യുവതിക്കെതിരെ നിയമനടപടിയുമായി ഏതറ്റം വരെയും പോകുമെന്ന് കുടുംബം പ്രതികരിച്ചു.
പയ്യന്നൂരില് സ്വകാര്യ ബസില് വച്ച് ലൈംഗിക അതിക്രമം നടത്തിയെന്ന് കാട്ടി പൊതുപ്രവര്ത്തക കൂടിയായ യുവതി ഇന്സ്റ്റഗ്രാമില് പോസ്റ്റ് ചെയ്ത ദൃശ്യങ്ങള് സാമൂഹിക മാധ്യമങ്ങളില് പ്രചരിച്ചതിനു പിന്നാലെയായിരുന്നു കോഴിക്കോട് ഗോവിന്ദപുരം സ്വദേശി ദീപക് ജീവനൊടുക്കിയത്. വസ്തുതാ വിരുദ്ധമായ ആരോപണം ഉന്നയിക്കപ്പെട്ടതില് മനം നൊന്താണ് ആത്മഹത്യയെന്ന ആരോപണവുമായി ദീപക്കിന്റെ കുടുംബവും സുഹൃത്തുക്കളും രംഗത്ത് വന്നിരുന്നു. ഇതിന് പിന്നാലെയാണ് യുവതിക്കെതിരെ പരാതി നല്കിയത്. മുഖ്യമന്ത്രി, കോഴിക്കോട് സിറ്റി പോലീസ് കമ്മീഷണര് തുടങ്ങിയവര്ക്കാണ് പരാതി നല്കിയത്.
ദീപക്കിന്റെ ആത്മഹത്യയില് അസ്വാഭാവിക മരണത്തിനാണ് ഇന്നലെ പൊലീസ് കേസെടുത്തത്. കുടുംബത്തിന്റെ പരാതി കിട്ടിയാല് പ്രാഥമിക അന്വേഷണം നടത്തിയ ശേഷമാകും തുടര് നടപടി
