വായ്ക്കുള്ളിലാക്കി സ്വര്ണ്ണം കടത്തി; രണ്ടു ദേവസ്വം ജീവനക്കാര് പിടിയില്
ക്ഷേത്ര ഭണ്ഡാരത്തില് നിന്ന് വിദേശകറന്സികളും സ്വര്ണവും വായ്ക്കുള്ളിലാക്കി കടത്താന് ശ്രമിച്ച രണ്ട് ദേവസ്വം ജീവനക്കാര് അറസ്റ്റില്, ശബരിമല ക്ഷേത്ര ഭണ്ഡാരത്തില് നിന്നാണ് ഇവര് വിദേശ കറന്സിയും, സ്വര്ണ്ണവും വായ്ക്കുള്ളിലാക്കി കടത്താന് ശ്രമിച്ച് പിടിയിലയത്. ആലപ്പുഴ കൊടുപ്പുന്ന മനയില് വീട്ടില് എം ജി ഗോപകുമാര് (51), കൈനകരി നാലുപുരയ്കല് സുനില് ജി നായര്(51) എന്നിവരാണ് ദേവസ്വം വിജിലന്സിന്റെ പിടിയിലായത്. ഗോപകുമാറില്നിന്ന് മലേഷ്യന് കറന്സിയും സുനിലില്നിന്ന് യൂറോ, കനേഡിയന്, യുഎഇ കറന്സികളുമാണ് കണ്ടെടുത്തത്. രണ്ടുപേരും താത്കാലിക ജീവനക്കാരാണ്. ഇരുവരെയും സന്നിധാനം പൊലീസിന് കൈമാറി. ജോലികഴിഞ്ഞ് ഇറങ്ങുമ്പോള് നടത്തിയ പരിശോധനയില് ഇരുവരുടെയും വായ നിറഞ്ഞിരിക്കുന്നത് കണ്ട് പരിശോധിച്ചപ്പോഴാണ് തട്ടിപ്പ് പുറത്തായത്. വിദേശകറന്സികളില് കോട്ടിങ് ഉള്ളതിനാല് വായില് ഇട്ടാലും കേടാകില്ല. അതാണ് പ്രതികള് പ്രയോജനപ്പെടുത്തിയത്. ഗോപകുമാറില്നിന്ന് മലേഷ്യന് കറന്സിയും സുനിലില്നിന്ന് യൂറോ, കനേഡിയന്, യുഎഇ കറന്സികളുമാണ് കണ്ടെടുത്തത്. സന്നിധാനം പോലിസ് കേസെടുത്ത് അന്വേഷണം ആരംഭിച്ചു.
