നിക്ഷേപ തട്ടിപ്പ് ആരോപണം നടന് ജയസൂര്യയുടെ പ്രതികരണം
സേവ് ബോക്സ് ബിഡ്ഡിങ് ആപ്പ്’ നിക്ഷേപ തട്ടിപ്പ് പ്രതികരിച്ച് നടന് ജയസൂര്യ. ഏഴാം തീയതി വീണ്ടും ഹാജരാകണമെന്ന സമന്സ് തനിക്ക് ലഭിച്ചിട്ടില്ലെന്നും നുണ പ്രചരണം കണ്ട് അന്തം വിട്ടിരിക്കുകയാണ് താനെന്നുമാണ് ജയസൂര്യ ഫേസ്ബുക്കില് കുറിച്ചത്. 24 ന് ഹാജരാകണം എന്ന സമന്സ് കിട്ടിയപ്പോള് ഹാജരായിരുന്നു. 29നും ഹാജരാകണം എന്ന് പറഞ്ഞു. അതിനും തങ്ങള് ഹാജരായിരുന്നു. അല്ലാതെ ഏഴാം തീയതി വീണ്ടും ഹാജരാകാനുളള സമന്സ് ഇതുവരെയും ലഭിച്ചിട്ടില്ല.പരസ്യ ആവിശ്യങ്ങള്ക്കും മറ്റുമായി സമീപിക്കുന്നവര് നാളെ എന്തൊക്കെ തട്ടിപ്പുകള് ഒപ്പിക്കുമെന്ന് ആര്ക്കെങ്കിലും ഇന്ന് ഊഹിക്കാന് സാധിക്കുമോ എന്ന് ജയസൂര്യ ചോദിക്കുന്നു. എല്ലാവിധ സാമ്പത്തിക ഇടപാടുകളും നിയമാനുസൃതമായി മാത്രം നടത്തി കൃത്യമായ നികുതി പൊതു ഖജനാവില് അടയ്ക്കുന്ന ഉത്തരവാദിത്വപ്പെട്ട ഒരു സാധാരണ പൗരനാണ് താനെന്നും ജയസൂര്യ കൂട്ടിച്ചേര്ത്തു
