ദുരിതാശ്വാസ പ്രവർത്തനങ്ങൾക്കിടെ ഹെലികോപ്റ്റർ തകർന്നു; വിങ് കമാൻഡർ നിർമ്മൽ സിയാബലാപിതിയ്ക്ക് ദാരുണാന്ത്യം

കൊളംബോ:ശ്രീലങ്കയിൽ ദുരിതാശ്വാസ പ്രവർത്തനങ്ങൾ നടത്തുന്നതിനിടെ വ്യോമസേനയുടെ ഹെലികോപ്റ്റർ തകർന്നു വീണുണ്ടായ അപകടത്തിൽ പൈലറ്റ് വിങ് കമാൻഡർ നിർമ്മൽ സിയാബലാപിതിയ മരിച്ചു. വെള്ളപ്പൊക്കബാധിതർക്കായി ഭക്ഷണവും മെഡിക്കൽ സഹായവും എത്തിച്ചുകൊണ്ടിരിക്കുമ്പോഴാണ് ദുരന്തം നടന്നത്.Bell-212 മോഡൽ ഹെലികോപ്റ്ററിലെ സാങ്കേതിക തകരാറിനെ തുടർന്ന് പൈലറ്റ് അടിയന്തര ലാൻഡിങ്ങിന് ശ്രമിക്കുകയായിരുന്നു. എന്നാൽ നിയന്ത്രണം നഷ്ടപ്പെട്ടതോടെ യന്ത്രം കരപ്രദേശത്തേക്ക് തകർന്നു വീണതായി ശ്രീലങ്കൻ വ്യോമസേന അറിയിച്ചു.അപകടസമയത്ത് ഹെലികോപ്റ്ററിൽ ഉണ്ടായിരുന്ന മറ്റ് സേനാംഗങ്ങൾക്കും പരിക്കേറ്റിട്ടുണ്ട്. പൈലറ്റിനെ ഗുരുതരമായി പരിക്കേറ്റ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.ദുരിതാശ്വാസ പ്രവർത്തനങ്ങൾക്കിടെ ജനങ്ങളുടെ ജീവൻ രക്ഷിക്കാനായി അപകടം ഒഴിവാക്കാൻ പൈലറ്റ് എടുത്ത വേഗതയേറിയ നീക്കമാണ് വലിയ ദുരന്തം ഒഴിവാക്കിയത് എന്നാണ് റിപ്പോർട്ട്. സംഭവത്തെ കുറിച്ച് പ്രത്യേക അന്വേഷണം ആരംഭിച്ചിട്ടുണ്ടെന്ന് SLAF വ്യക്തമാക്കി.വിങ് കമാൻഡർ നിർമ്മൽ സിയാബലാപിതിയയുടെ സേവനങ്ങളെ വ്യോമസേന ആദരാഞ്ജലികൾ അർപ്പിച്ചു. രാജ്യത്തിന് വേണ്ടി നിർവഹിച്ച മാതൃകാപരമായ സേവനമാണ് അദ്ദേഹം അവസാന നിമിഷംവരെ നിർവഹിച്ചതെന്ന് സേന അറിയിച്ചു.