ഘാനയുടെ ദേശീയ ബഹുമതി പ്രധാനമന്ത്രിക്ക് സമ്മാനിച്ച് പ്രസിഡന്റ് ജോൺ മഹാമ.
വ്യാപാരം, നിക്ഷേപം, കൃഷി, സാങ്കേതികവിദ്യ, അടിസ്ഥാന സൗകര്യങ്ങൾ, ജനങ്ങൾ തമ്മിലുള്ള ബന്ധം എന്നിവയിൽ സഹകരണം ശക്തമാക്കുന്നത് സംബന്ധിച്ച് കൂടിക്കാഴ്ചയിൽ ചർച്ചയായി. സാംസ്കാരിക രംഗം, ആയുർവേദം, പരമ്പരാഗത വൈദ്യശാസ്ത്രം തുടങ്ങിയ മേഖലകളിലെ നാല് ധാരണാപത്രങ്ങളും ഇന്നലെ ഒപ്പു വച്ചു. ഘാനയുടെ ദേശീയ ബഹുമതിയായ – ഓഫീസർ ഓഫ് ദി ഓർഡർ ഓഫ് ദി സ്റ്റാർ ഓഫ് ഘാന – പ്രസിഡന്റ് ജോൺ മഹാമ ശ്രീ മോദിക്ക് സമ്മാനിച്ചു. ഘാനയിലേക്കുള്ള ഔദ്യോഗിക സന്ദർശനത്തിനായി ഇന്നലെ രാത്രി അക്രയിലെത്തിയ പ്രധാനമന്ത്രിക്ക് ഘാന പ്രസിഡന്റിന്റെ നേതൃത്വത്തിൽ ഊഷ്മള സ്വീകരണമാണ് ലഭിച്ചത്.