മംഗ്ളൂരുവിലെ സ്വി​മ്മിം​ഗ് പൂ​ളി​ൽ മൂ​ന്ന് പെ​ൺ​കു​ട്ടി​ക​ൾ മു​ങ്ങി​മ​രി​ച്ച സം​ഭ​വ​ത്തി​ൽ ര​ണ്ടു​പേ​ർ അ​റ​സ്റ്റി​ൽ

ഉ​ള്ളാ​ൽ സോ​മേ​ശ്വ​ര​യി​ലു​ള്ള സ്വ​കാ​ര്യ റി​സോ​ർ​ട്ടി​ലെ സ്വി​മ്മിം​ഗ് പൂ​ളി​ൽ മൂ​ന്ന് പെ​ൺ​കു​ട്ടി​ക​ൾ മു​ങ്ങി​മ​രി​ച്ച സം​ഭ​വ​ത്തി​ൽ ര​ണ്ടു​പേ​ർ അ​റ​സ്റ്റി​ൽ. വാ​സ്‌​കോ ബീ​ച്ച് റി​സോ​ർ​ട്ട് ഉ​ട​മ മ​നോ​ഹ​ർ, മാ​നേ​ജ​ർ ഭ​ര​ത് എ​ന്നി​വ​രെ​യാ​ണ് ഉ​ള്ളാ​ൽ പോ​ലീ​സ് അ​റ​സ്റ്റ് ചെ​യ്ത​ത്. ഇ​വ​ർ​ക്കെ​തി​രേ ബി​എ​ൻ​എ​സ് 106 വ​കു​പ്പ് പ്ര​കാ​രം കേ​സെ​ടു​ത്ത​താ​യി മം​ഗ​ളൂ​രു സി​റ്റി പോ​ലീ​സ് ക​മ്മീ​ഷ​ണ​ർ അ​റി​യി​ച്ചു.കൂ​ടാ​തെ, മം​ഗ​ളൂ​രു സ​ബ് ഡി​വി​ഷ​ന​ൽ ഉ​ദ്യോ​ഗ​സ്ഥ​ർ റി​സോ​ർ​ട്ടി​ന്‍റെ ട്രേ​ഡ് ലൈ​സ​ൻ​സും ടൂ​റി​സം പെ​ർ​മി​റ്റും സ​സ്പെ​ൻ​ഡ് ചെ​യ്തു. സു​ര​ക്ഷാ​ക്ര​മീ​ക​ര​ണ​ങ്ങ​ൾ ഇ​ല്ലാ​തെ​യാ​ണ് നീ​ന്ത​ൽ​ക്കു​ളം പ്ര​വ​ർ​ത്തി​പ്പി​ച്ച​തെ​ന്ന് പോ​ലീ​സ് അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​തി​നെ തു​ട​ർ​ന്നാ​ണ് ന​ട​പ​ടി.ഞാ​യ​റാ​ഴ്ച രാ​വി​ലെ​യാ​ണ് മൈ​സൂ​രു സ്വ​ദേ​ശി​ക​ളാ​യ എ​ൻ​ജി​നി​യ​റിം​ഗ് വി​ദ്യാ​ർ​ഥി​ക​ളാ​യ എം.​ഡി. നി​ഷി​ത (21), എ​സ്. പാ​ർ​വ​തി (20), എ​ൻ. കീ​ർ​ത്ത​ന (21) എ​ന്നി​വ​ർ മു​ങ്ങി​മ​രി​ച്ച​ത്. വാ​രാ​ന്ത്യ അ​വ​ധി ആ​ഘോ​ഷി​ക്കു​ന്ന​തി​നാ​യി എ​ത്തി​യ​താ​യി​രു​ന്നു വി​ദ്യാ​ർ​ഥി​നി​ക​ൾ.നീ​ന്ത​ൽ​ക്കു​ള​ത്തി​ന്‍റെ ഒ​രു വ​ശം ആ​റ​ടി താ​ഴ്ച​യു​ള്ള​താ​യി​രു​ന്നു. ആ​ദ്യം ഒ​രു യു​വ​തി വെ​ള്ള​ത്തി​ൽ മു​ങ്ങി​ത്താ​ഴു​ക​യാ​യി​രു​ന്നു, മ​റ്റൊ​രാ​ൾ ര​ക്ഷി​ക്കാ​ൻ ശ്ര​മി​ച്ചു​വെ​ങ്കി​ലും അ​വ​രും മു​ങ്ങി​പ്പോ​യി. ഇ​തി​നി‌​ട​യി​ൽ മൂ​ന്നാ​മ​ത്തെ യു​വ​തി​യും അ​പ​ക​ട​ത്തി​ൽ​പ്പെ​ടു​ക​യാ​യി​രു​ന്നു. സം​ഭ​വ​ത്തി​ന്‍റെ സി​സി​ടി​വി ദൃ​ശ്യ​ങ്ങ​ൾ പു​റ​ത്തു​വ​ന്നി​രു​ന്നു.സം​ഭ​വ​ത്തി​ൽ ഉ​ല്ല​ല പൊ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ആ​രം​ഭി​ച്ച​തി​ന് പി​ന്നാ​ലെ​യാ​ണ് ര​ണ്ടു പേ​രെ അ​റ​സ്റ്റ് ചെ​യ്ത​ത്. നീ​ന്ത​ൽ​ക്കു​ള​ത്തി​നു സ​മീ​പം ഒ​രു​ക്കി​വ​യ്ക്കേ​ണ്ട ജീ​വ​ൻ​ര​ക്ഷാ സം​വി​ധാ​ന​ങ്ങ​ൾ ഒ​ന്നും ത​ന്നെ ഈ ​റി​സോ​ർ​ട്ടി​ൽ ഉ​ണ്ടാ​യി​രു​ന്നി​ല്ല. യു​വ​തി​ക​ൾ ര​ക്ഷാ സ​ഹാ​യം അ​ഭ്യ​ർ​ഥി​ച്ചു നി​ല​വി​ളി​ച്ചി​ട്ടും ആ​രും ര​ക്ഷ​യ്ക്കെ​ത്തി​യി​ല്ല. റി​സോ​ർ​ട്ട് ന​ട​ത്തി​പ്പു​കാ​രു​ടെ ഭാ​ഗ​ത്തു നി​ന്ന് ഗു​രു​ത​ര വീ​ഴ്ച​യു​ണ്ടാ​യ​താ​യും ‌എ​ഫ്ഐ​ആ​റി​ൽ പ​റ​യു​ന്നു.