കേരളത്തിൽ ഭരണമാറ്റം പ്രവചിച്ച് പോൾ ട്രാക്കർ സർവേ

കേരളത്തിലെ രാഷ്ട്രീയ സാഹചര്യത്തിൽ വലിയ മാറ്റത്തിന് സാധ്യതയുണ്ടെന്ന് സൂചിപ്പിച്ച് പോൾ ട്രാക്കർ നടത്തിയ പ്രീ-പോൾ സർവേ ഫലം പുറത്ത്. രാജ്യത്തെ പ്രമുഖ സർവേ ഏജൻസികളിൽ ഒന്നായ പോൾ ട്രാക്കറിന്റെ വിലയിരുത്തൽ പ്രകാരം അടുത്ത നിയമസഭ തിരഞ്ഞെടുപ്പിൽ ഭരണമാറ്റം സംഭവിക്കാമെന്നാണ് പ്രവചനം.സർവേ ഫലങ്ങൾ അനുസരിച്ച് യു.ഡി.എഫ് മുന്നണി 76 മുതൽ 85 വരെ സീറ്റുകൾ നേടി അധികാരത്തിലെത്തുമെന്ന് വിലയിരുത്തുന്നു. അതേസമയം നിലവിൽ ഭരണത്തിലുള്ള എൽ.ഡി.എഫ് 55 മുതൽ 60 വരെ സീറ്റുകളിൽ ഒതുങ്ങി പ്രതിപക്ഷമായി മാറാനാണ് സാധ്യതയെന്ന് റിപ്പോർട്ട് വ്യക്തമാക്കുന്നു.ബി.ജെ.പി നേതൃത്വം നൽകുന്ന എൻ.ഡി.എ മുന്നണിക്ക് 1 മുതൽ 3 വരെ സീറ്റുകൾ ലഭിക്കാമെന്നും സർവേ പ്രവചിക്കുന്നു.സംസ്ഥാനത്തെ ഭരണനടപടികൾ, വികസന പ്രവർത്തനങ്ങൾ, പൊതുജനാഭിപ്രായം, രാഷ്ട്രീയ പ്രവണതകൾ എന്നിവയെ അടിസ്ഥാനമാക്കിയാണ് സർവേ തയ്യാറാക്കിയതെന്ന് ബന്ധപ്പെട്ടവർ അറിയിച്ചു. ഭരണവിരുദ്ധ വികാരം ചില മേഖലകളിൽ പ്രകടമാണെന്നും റിപ്പോർട്ടിൽ സൂചനയുണ്ട്.എന്നാൽ തിരഞ്ഞെടുപ്പ് പ്രചാരണത്തിന്റെ അവസാനഘട്ടം വരെ രാഷ്ട്രീയ സാഹചര്യങ്ങളിൽ മാറ്റങ്ങൾ സംഭവിക്കാമെന്നും അന്തിമ ഫലത്തിൽ വ്യത്യാസങ്ങൾ ഉണ്ടാകാൻ സാധ്യതയുണ്ടെന്നും രാഷ്ട്രീയ നിരീക്ഷകർ അഭിപ്രായപ്പെടുന്നു