മുഖ്യമന്ത്രിയാകാന് യോഗ്യന് രമേശ് ചെന്നിത്തലയാണെന്ന് കെ.സുധാകരന് എംപി
കണ്ണൂര്: യുഡിഎഫ് അധികാരത്തില് വന്നാല് മുഖ്യമന്ത്രിയാകാന് യോഗ്യന് രമേശ് ചെന്നിത്തലയാണെന്ന് കെ.സുധാകരന് എംപി. കേരള രാഷ്ട്രീയത്തിലേയ്ക്ക് ഇനി താനില്ലെന്നും ഒരു മാധ്യമത്തിനു നൽകിയ അഭിമുഖത്തിൽ പറഞ്ഞു. സ്ഥാനാർത്ഥിത്വവുമായി ബന്ധപ്പെട്ട് കോൺഗ്രസ് ദേശീയ നേതൃത്വം തന്നെ ബന്ധപ്പെട്ടു. പാർട്ടിയെ പ്രതിസന്ധിയിലാക്കുന്ന തീരുമാനം താൻ എടുക്കില്ലെന്ന് അവർക്ക് ഉറപ്പു നൽകി.കണ്ണൂരിലെ യുഡിഎഫ് സ്ഥാനാർഥിയായ ടി.ഒ. മോഹനനുമായി തനിക് ഒരു പ്രശ്നവുമില്ല. താൻ സ്ഥാനാർഥി ആകുന്നില്ലെങ്കിൽ പകരം മോഹനനെ മത്സരിപ്പിക്കണമെന്ന് നിർദ്ദേശിച്ചിരുന്നു. ആ വാക്ക് പാലിച്ചു എന്നാണ് താൻ പറഞ്ഞത്. പാർട്ടിക്കകത്ത് ഒരു പ്രശ്നവുമില്ല. യുഡിഎഫിന് നൂറ് സീറ്റിനടുത്ത്
ലഭിക്കുമെന്നും സുധാകരൻ പറഞ്ഞു.