സ്കൂള് കലോത്സവത്തില് ഇനി ‘താമരയും’; വിവാദങ്ങള് വേണ്ട, കുട്ടികള് കളിക്കട്ടെ
സംസ്ഥാന സ്കൂള് കലോത്സവത്തിന്റെ വേദികളുടെ പേരുകളില് ഇനി താമരയും., സൂര്യകാന്തി, പാരിജാതം, നീലക്കുറിഞ്ഞി, പവിഴമല്ലി, ശംഖുപുഷ്പം, ചെമ്പകം, മന്ദാരം, കനകാംബരം, ഗുല്മോഹര്, ചെമ്പരത്തി, കര്ണികാരം, നിത്യകല്ല്യാണി, പനിനീര്പ്പു, നന്ത്യാര്വട്ടം, ഡാലിയ, വാടാമല്ലി, മുല്ലപ്പൂവ്, ആമ്പല്പ്പൂവ്, തുമ്പപ്പൂവ്, കണ്ണാന്തളി, പിച്ചകപ്പൂ, ജമന്തി, തെച്ചിപ്പൂവ, താഴമ്പൂ, ചെണ്ടുമല്ലി തുടങ്ങിയ 25 പൂക്കളുടെ പേരുകള് 25 വേദികള്ക്കായി നല്കിയപ്പോള് താമര മാത്രം ഒഴിവാക്കിയതിനെതിരെയായിരുന്നു പ്രതിഷേധം കത്തിപടരുന്ന അവസ്ഥയ്ക്ക് കാരണമായിരുന്നു. സംസ്ഥാന കലോത്സവത്തിനായി സജ്ജമാക്കിയ തൃശൂരിലെ 25 വേദികള്ക്കും പൂക്കളുടെ പേരുകളാണ് നല്കിയിരുന്നത്. എന്നാല്, ഇതില് നിന്നും താമര ഒഴിവാക്കിയതില് കഴിഞ്ഞ ദിവസം വിവാദം ഉയര്ന്നിരുന്നു.
തുടര്ന്നാണ് വേദി 15ന് താമര എന്ന പേര് നല്കിയത്. നേരത്തെ വേദി 15ന് ഡാലിയ എന്ന പേരാണ് നല്കിയിരുന്നത്. സംസ്ഥാന സ്കൂള് കലോത്സവത്തില് ഒരു വേദിക്ക് താമര എന്ന പേര് നല്കുമെന്നും വിവാദങ്ങളിലേക്ക് പോകേണ്ട എന്ന് കരുതിയാണ് തീരുമാനമെന്നും മന്ത്രി വി ശിവന്കുട്ടി പറഞ്ഞു.
കാേത്സവം ഭംഗിയായി നടത്തി എല്ലാവരുമായി സഹകരിച്ച് പോവാനാണ് ആഗ്രഹിക്കുന്നതെന്നും താമര എന്ന പേര് ഉള്പ്പെടുത്തണമെന്ന ആവശ്യം പരിഗണിച്ചാണ് നടപടിയെന്നും മന്ത്രി വി ശിവന്കുട്ടി പറഞ്ഞു.
പൂക്കളുടെ പേരുകള് വേദികള്ക്ക് നല്കിയപ്പോള് താമര മനപ്പൂര്വം ഒഴിവാക്കിയെന്നാരോപിച്ച് ഇന്നലെ യുവമോര്ച്ച താമരയുമായി പ്രതിഷേധ മാര്ച്ച് നടത്തിയിരുന്നു. ബിജെപിയുടെ ചിഹന്മായതിനാല് ഒഴിവാക്കിയതാണെന്നായിരുന്നു കഴിഞ്ഞ ദിവസം മന്ത്രി വി ശിവന്കുട്ടി വിശദീകരിച്ചത്. അതേസമയം, ദേശീയ പുഷ്പമാണ് താമരയെന്നും അത് ഒഴിവാക്കിയത് അംഗീകരിക്കാനാകില്ലെന്നും വ്യക്തമാക്കിയാണ് യുവമോര്ച്ച പ്രതിഷേധിച്ചത്സൂര്യകാന്തി, പാരിജാതം, നീലക്കുറിഞ്ഞി, പവിഴമല്ലി, ശംഖുപുഷ്പം, ചെമ്പകം, മന്ദാരം, കനകാംബരം, ഗുല്മോഹര്, ചെമ്പരത്തി, കര്ണികാരം, നിത്യകല്ല്യാണി, പനിനീര്പ്പു, നന്ത്യാര്വട്ടം, ഡാലിയ, വാടാമല്ലി, മുല്ലപ്പൂവ്, ആമ്പല്പ്പൂവ്, തുമ്പപ്പൂവ്, കണ്ണാന്തളി, പിച്ചകപ്പൂ, ജമന്തി, തെച്ചിപ്പൂവ, താഴമ്പൂ, ചെണ്ടുമല്ലി തുടങ്ങിയ 25 പൂക്കളുടെ പേരുകള് 25 വേദികള്ക്കായി നല്കിയപ്പോള് താമര മാത്രം ഒഴിവാക്കിയതിനെതിരെയായിരുന്നു പ്രതിഷേധം.
