മലയാളികളുടെ പുണ്യം : ഗാനഗന്ധര്വ്വന് ഇന്ന് 86-ാം പിറന്നാള്
നമ്മുടെ ഗാനഗന്ധര്വന് യേശുദാസിന് ഇന്ന് 86 ആം പിറന്നാള്.
കാലത്തെ അതിജീവിക്കുന്ന സ്വരമാധുരികൊണ്ട് അദ്ദേഹം വെള്ളിത്തിരയില് നിറയാന് തുടങ്ങിയിട്ട് ആറരപതിറ്റാണ്ട് പിന്നിടുകയാണ്.വര്ഷം 1961. എം.ബി ശ്രീനിവാസന് ചൊല്ലിക്കൊടുത്ത വരികള് ഏറ്റുപാടികൊണ്ടൊരു പയ്യന്റെ തുടക്കം. 65 വര്ഷം പിന്നിടുമ്പോഴും. മലയാളിക്ക് കണ്കണ്ട് ചെവിയോര്ത്തൊരു ഇതിഹാസമായി, നിത്യജീവിതത്തിന്റെ ഭാഗമായി, സ്വാകാര്യ അഹങ്കാരമായി, ഭാഷയ്ക്കും ദേശത്തിനും അലങ്കരമായി, പിന്നെയും പിന്നെയും കേള്ക്കാന് കൊതിക്കുന്നൊരു നൂറ് പാട്ടായി മണ്ണ് തൊട്ട ഗന്ധര്വ്വന്.മറ്റൊരു മേഖലയിലും ആര്ക്കും അവകാശപ്പെടാന് കഴിയാത്ത അപ്രമാധിത്യം. യേശുദാസ് ശബ്ദം തൊട്ട് തൊടാത്ത മനുഷ്യരില്ല, ഭാഷയില്ല. തലമുറകള് മാറി വന്ന സംഗീതസംവിധായകര്ക്ക് അത്രമേല് പ്രിയപ്പെട്ട ശബ്ദം. ദേവരാജന് മാഷിനൊപ്പം 650ലേറെ ഗാനങ്ങള്, രവീന്ദ്രനൊപ്പം 339 ഗാനങ്ങള്, വയലാറിന്റെ 445 പാട്ടുകള്ക്കും ശ്രീകുമാരന് തമ്പിയുടെ 500 ലേറെ പാട്ടുകള്ക്കും നാദമായി. 45,000 ലേറെ സിനിമാ പാട്ടുകള്.
