തിരുവനന്തപുരം മെഡിക്കൽ കോളേജ് ആശുപത്രിയിലെ ട്രാൻസ്ഫ്യൂഷൻ മെഡിസിൻ വിഭാഗം പ്രൊഫസർ കാര്യവട്ടം റോയൽ ഹിൽസ് അറോറയിൽ ഡോ.സൂനം ജോൺ(45) അന്തരിച്ചു. തലച്ചോറിലെ രക്തസ്രാവത്തെ തുടർന്ന് ശ്രീചിത്ര മെഡിക്കൽ സെൻ്ററിൽ ചികിത്സയിലിരിക്കെ മരണം സംഭവിക്കുക ആയിരുന്നു. ഭർത്താവ്: ഡോ കോളിൻ ഫെർണാണ്ടസ് (കുടുംബാരോഗ്യ കേന്ദ്രം, വെളിയം). മകൾ: ആർമിധ ആൻ കോളിൻ (വിദ്യാർത്ഥി, മാർ ബസേലിയോസ് കോളേജ്). പരേതനായ അഡ്വ. തേവലക്കര എസ് ജോണിൻ്റെയും പൂമംഗലം കുടുംബാംഗം ആനിയമ്മ (റിട്ട. കെഎംഎം എൽ) യുടെയും മകളാണ്. സംസ്കാരം ഇന്ന് (28/10/2025) വൈകുന്നേരം 4 ന് കാര്യവട്ടം ക്രിസ്തുരാജ ദേവാലയത്തിൽ നടക്കും. സഹോദരങ്ങൾ: പ്രസൂൻ, ഡോ സുമം, ജിത്ത്, മെർളി…

മൃതദേഹം തിരുവനന്തപുരം മെഡിക്കൽ കോളേജിൽ രാവിലെ ഒൻപതിന് പൊതുദർശനത്തിനു വയ്ക്കും.
തിരുവനന്തപുരം മെഡിക്കൽ കോളേജിൽ നിന്ന് എംബിബിഎസ് പഠനം പൂർത്തിയാക്കിയ ഡോ. സൂനം ജോൺ, 2009 ൽ കോട്ടയം മെഡിക്കൽ കോളേജിൽ ലക്ചറർ ആയി സേവനമാരംഭിച്ചു. തുടർന്ന് സിഎംസി വെല്ലൂരിൽ നിന്ന് ട്രാൻസ്ഫ്യൂഷൻ മെഡിസിനിൽ എം ഡി യും നേടി. കൊല്ലത്തും തിരുവനന്തപുരം മെഡിക്കൽ കോളേജിലും സേവനമനുഷ്ഠിച്ചിട്ടുണ്ട്…