കുഴഞ്ഞു വീണ യുവതിക്ക് രക്ഷകരായി ഡ്രൈവറും കണ്ടക്ടറും
അനിഴം ബസ്സിലെ ഡ്രൈവറായ അർഷാദും, കണ്ടക്ടറായ സുരേഷും ഉടൻതന്നെ ട്രിപ്പ് മുടക്കി അടുത്തുള്ള മാവേലിക്കര താലൂക്ക് ആശുപത്രിയിൽ എത്തിച്ചു
റിപ്പോർട്ട്‌ അനീഷ് ചുനക്കര
മാവേലിക്കര : ബസ്സിൽ കുഴഞ്ഞുവീണ യുവതിക്ക് രക്ഷകരായി അനിഴം ബസ്സിലെ കണ്ടക്ടറും, ഡ്രൈവറും. അഞ്ചാം തീയതി വൈകുന്നേരം 6 09 ന് കൊച്ചാലുംമൂട്ടിൽ നിന്നും മാവേലിക്കരയ്ക്ക് വരുന്ന വഴിക്ക് ഏകദേശം ആറു വയസ്സുള്ള കുട്ടിയെയും കൊണ്ട് വന്ന അമ്മ റോഡിൽ കുഴഞ്ഞു വീഴുകയായിരുന്നു. മറ്റു വാഹനങ്ങൾ ഹോസ്പിറ്റലിൽ എത്തിക്കാൻ മടിച്ചപ്പോൾ അനിഴം ബസ്സിലെ ഡ്രൈവറായ അർഷാദും, കണ്ടക്ടറായ സുരേഷും ഉടൻതന്നെ ട്രിപ്പ് മുടക്കി അടുത്തുള്ള മാവേലിക്കര താലൂക്ക് ആശുപത്രിയിൽ എത്തിച്ചു. ഡ്രൈവർ അർഷാദിനും കണ്ടക്ടർ സുരേഷിനും സഹകരിച്ച നല്ലവരായ എല്ലാ യാത്രക്കാർക്കും അനിഴം കുടുംബത്തിന്റെ അഭിനന്ദനങ്ങൾ അറിയിച്ചു.
